¡PEÑATENDE PORÃKENA!
¿Mbaʼérepa ijetuʼuete kuri pe áño 2023-pe? ¿Mbaʼépa heʼi la Biblia?
Umi mbaʼe oiko vaʼekue áño 2023-pe ohechauka jaikoha pe tiémpo la Biblia ohenóivape “umi ára paha” (2 Timoteo 3:1). Jahechamína mbaʼéichapa umi mbaʼe oikóva ñane tiémpope oĩma vaʼekue voi la Bíbliape.
Umi profesía oĩva la Bíbliape ha umi mbaʼe oikóva ko múndope
“Pehendúta oikoha gérra heta hendárupi” (Mateo 24:6).
“Heta hetave lugárpe ko múndope umi hénte oiko vaipa ha iviolentoiterei”. a
Ehecha umi artíkulo hérava “¿Mávapa osalváta umi hénte inoséntepe?” ha “Umi goviérno ogasta hetaiterei umi ehérsito militár rehe”.
“Oĩta yvyryrýi ápe ha pépe” (Marcos 13:8).
“Oñepyrũ guive áño 2023 koʼág̃a peve, ko múndo tuichakuére oikóma 13 yvyryrýi de magnitu 7 térã tuichavéva. Nameméi ojerrehistra peichagua terremóto tuicháva”. b
Ehecha pe artíkulo hérava “Yvyryrýi hatãitereíva oiko Turquía ha Síriape”.
“Umi hénte ohecháta heta mbaʼe oporomongyhyjéva” (Lucas 21:11).
“Umi ára haku opátama ñane planétape, koʼág̃a jachyryrýtantema” (António Guterres, secretario general de las Naciones Unidas). c
Ehecha pe artíkulo hérava “Hakuetereive opárupi koʼág̃a”.
“Oĩta ñembyahýi” (Mateo 24:7).
“Áño 2023-pe umi hénte ojepyʼapy pórke ijetuʼueterei kuri omantene hag̃ua ifamiliakuérape”. d
Ehecha pe artíkulo hérava “Pe tembiʼu saʼipaite pe gérra ha pe kámbio klimátiko káusare”.
“Pe situasión ijetuʼúta ha ipeligrósota” (2 Timoteo 3:1).
“Ko múndo tuichakuére 1 de káda 8 persóna oreko provléma emosionál”. e
Ehecha pe artíkulo hérava “Hetaiterei imitãva oreko provléma mentál”.
¿Mbaʼépa oikóta áño 2024-pe?
Añetehápe avave ndaikatúi oaseguraite mbaʼépa oikóta áño 2024-pe. Péro umi mbaʼe oikóva ko múndope ohechauka koʼẽrõitéma Ñandejára Rréino, haʼéva Ñandejára goviérno oĩva yvágape, oipeʼataha umi goviérno koʼag̃agua ha osolusionáta entéro provléma ñanembosufríva ha ñanekevrantáva (Daniel 2:44; Apocalipsis 21:4).
Ñahaʼarõ aja oiko upéva, jajepyʼapyeterei jave ikatu jajerure Ñandejárape ñanepytyvõ hag̃ua. La Biblia heʼi:
“Sapyʼánte akyhyje, upéicha jave asegínte ajerovia nderehe” (Salmo 56:3).
¿Mbaʼéichapa ikatu jahechauka jajeroviaha Ñandejárare? La Biblia opromete koʼẽrõite opatamaha la kevránto. Roipotaite ningo esegi eaprende koʼã mbaʼe omboʼéva la Biblia. Upearã ikatu ejerure peteĩ kúrso bíblico grátis péicha eaprendéta mbaʼéichapa nde ha ne família ikatu pedisfruta umi promésa porãite omeʼẽvagui la Biblia.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre de 2023.
b Noticias de terremotos, “2023: La cantidad de grandes terremotos pronto batirá récords”; mayo de 2023.
c Naciones Unidas, “Secretary-Generalʼs Opening Remarks at Press Conference on Climate” (comentarios del secretario general sobre el clima en una rueda de prensa); 27 de julio de 2023.
d Programa Mundial de Alimentos, “Una crisis alimentaria mundial”.
e Organización Mundial de la Salud, “Día Mundial de la Salud Mental”; 10 de octubre de 2023.
Koʼã téma ikatu ndegusta avei
UMI MBAʼE IÑIMPORTANTEVÉVA OMBOʼÉVA LA BIBLIA
¿Mbaʼépa hína Ñandejára Rréino?
Jesús opredikárõ guare oñeʼẽve vaʼekue Ñandejára Rréinore oimeraẽ ótro mbaʼégui. Ymaite guive isegidorkuéra oñemboʼe Ñandejárape oumi hag̃ua upe Rréino.
ORE INFORMASIÓN
Aipota peteĩ Testígo ou chevisita
Ehecha la Biblia omboʼéva térã eikuaave umi testígo de Jehovápe.
