Anasia müin putuma pikirajaain sünain karalouktakat tüü süpüla pütüjaain saaʼu tü naaʼinrakat na aküjüliikana pütchi nüchiki Jeʼwaa. Kasataalejeseʼe piyaawatüin saaʼu nayain aainjüin maaʼulu tü nüchekakat Jeʼwaa. Ayata pikirajaain nüchiki Maleiwa. Paashajaa sümaa püpüshi jee paʼaleewainyuu süchiki tü pikirajaakalü anain. Ayata puutkajaain wamaa suluʼu tü Piichi Outkajaaleekat (Hebreokana 10:23-25).

Ayatüle pikirajaain nüchiki Jeʼwaa, piyaawateerü aaʼu alin maʼin pia nüpüla otta püchajaajeerü sukuwaʼipa süpüla alin nia püpüla (1 Juan 4:8-10, 19, TNM). ¿Kasa paaʼinrajatka süpüla jaʼyain paaʼu alin püpüla Maleiwa? ¿Jamüsü aneetka pukuwaʼipa poonoole sümaa nünüiki? ¿Kaseerü keeʼireeka atuma paaʼin paainjüin wamaa tü nüchekakat Jeʼwaa? Nüküjeerü pümüin tia chi ekirajakai pia sünain tü Wiwüliakat süpüla ayatüin alin püpüla Maleiwa sümaa püpüshi otta paʼatapajüin katüin poʼu waneepia (Judas 21, TNM).

Keeʼireesü waaʼin ayatüin pikirajaain sünain tü Wiwüliakat; püinkeerü shia pikirajaale sünain tü karalouktakat: «Ayata alin jüpüla Maleiwa».