Aküjaa tü pütchi anakat maʼin
¿Jamüshii naküjakaʼa sümüin wayuu na anoujashiikana tü kasa nanoujakalü anain?
¿Jamüsü kojutukaʼa maʼin nümüin Jesús aküjaa tü pütchi anakat maʼin?
-
Pütchi suluʼuka tü Bibliakalü anaka maʼin:
-
Lu 4:42-44: Nüküjain Jesús nüjütünüin mmapaʼamüin süpüla nüküjainjachin pütchi.
-
Jn 4:31-34: Nüküjain Jesús müin nikakai aaʼin shiale nüküjain tü pütchi anakat maʼin.
-
¿Nayache aküjainjanaka neʼe pütchi na anoujashii oʼunirakana nakuwaʼipa na wawalayuukana?
Sl 68:11; 148:12, 13; Alu 2:17, 18
-
Pütchi suluʼuka tü Bibliakalü anaka maʼin:
-
2Re 5:1-4, 13, 14, 17: Yootusü wanee jintut israelita sümaa tü nuʼwayuusekat Naamán süchiki tü nuuntakat Eliseo, chi nünüikimaajachikai Maleiwa.
-
Mt 21:15, 16: Soʼu nuʼwaajünüin Jesús natuma na tepichikana, aashichijaashii nekiipüʼü na sacerdotekana jee na karaloʼutamaajanakana, nüchiaapejeʼe naya Jesús saaʼujee tia.
-
¿Kasa naaʼinrajatka na laülaashiikana süpüla nekirajüin na wawalayuukana sünain aküjaa tü pütchi anakat maʼin?
¿Kasa naaʼinraka Jesús nümaa Jehová süpüla nekirajüin waya sünain aküjaa pütchi?
-
Pütchi suluʼuka tü Bibliakalü anaka maʼin:
-
Alu 16:12, 22-24; 1Te 2:1, 2: Mayaainjeʼe müliain atumawaa chi aluwataaushikai Pablo namaa na nümaajanakana, ayatüshiʼiya naya aküjain pütchi süka nükaalinjain naya Maleiwa.
-
2Co 12:7-9: Müliashi maʼin Pablo «sutuma wanee kasa makat aka saaʼin keipüse sünainka» niʼiruku, eesüjaʼa ayuuliire tia, ayatapejeʼe kapülain maʼin naaʼin tü aküjaakat pütchi, jama katchin naaʼin nutuma Jehová süpüla naaʼinrüin tia.
-
¿Jarai aluwataaka na anoujashiikana süpüla naküjainjanain pütchi?
-
Pütchi suluʼuka tü Bibliakalü anaka maʼin:
-
Jn 7:15: Ponusü naaʼin na wayuu chajanakana nuumainpaʼa Jesús nütüjain maʼin mayaainjeʼe nnojoluin koleejiain nia.
-
Alu 4:13: Nnojoishii ooʼulaain suulia aküjaa pütchi sümaa yalayalain naaʼin na aluwataaushikana nutuma Jesús, naaʼinrüin tia mayaainjeʼe eein wayuu jülüjaka aaʼin wayuuin neʼe naya jee nnojoluin natüjain maʼin sünüiki karaloʼuta.
-
¿Kasa wayaawataka anainjee nücheküin Jehová süchiki wekirajüinjanain na wayuukana süpüla naküjain pütchi jee nekirajüin wayuu?
-
Pütchi suluʼuka tü Bibliakalü anaka maʼin:
-
Is 50:4, 5: Ekirajünüshi Jesús nutuma Jehová süpülapünaa nüntüin yaa mmapaʼamüin.
-
Mt 10:5-7: Soʼu yaajachin Jesús mmapaʼa, nnojoishi ashapajaain sünain ekirajaa wayuu süpüla sütüjain aküjaa tü pütchi anakat maʼin.
-
¿Kojutuinjatche wamüin aküjaa pütchi?
¿Jamüsü waaʼin waküjale tü pütchi anakat maʼin?
¿Kasa wekirajaka achiki waküjapa pütchi?
Mt 24:14; 28:19, 20; Alu 26:20; Ap 14:6, 7
Paashajeʼera Is 12:4, 5; 61:1, 2.
¿Jamüsü waapirakaʼa wayuu süchiki tü alawaa ekirajünakalü anain?
-
Pütchi suluʼuka tü Bibliakalü anaka maʼin:
-
Mr 12:18-27: Nüpansaajüin Jesús namüin na saduceokana nnojoluin anain tü nanoujakalü anain, jama manoujain naya sünain süsoʼiraainjatüin aaʼin wayuu outusü.
-
Alu 17:16, 17, 29, 30: Aashajaashi Jesús namaa na chajanakana Atenas süpüla nüküjain namüin mojuin naʼwaajüle shiyaakua maleiwayaasü.
-
¿Jamüsü sukuwaʼipa watuma tü aküjaakat pütchi?
¿Jara washataka achiirua waküjain pütchi eere jouluin wayuu?
Jn 18:20; Alu 16:13; 17:17; 18:4
Paashajeʼera Pr 1:20, 21.
¿Jamüshii ayatüinjanakaʼa waya sünain aküjaa pütchi jee nnojoliinjanakaʼa waya ashapajaain?
Is 6:9-11; 2Pe 3:9
¿Kasa eeka sünainjee waküjain pütchi?
¿Jamüshii waküjainjanakaʼa pütchi eepünaale waya?
-
Pütchi suluʼuka tü Bibliakalü anaka maʼin:
-
Jn 4:6, 7, 13, 14: Mayaainjeʼe mapüsain Jesús, aashajaashi nia süchiki tü pütchi anakat maʼin sümaa wanee wayuu samariajeʼewat süʼütpaʼa wanee ishi.
-
Flp 1:12-14: Mayaainjeʼe püreesain chi aluwataaushikai Pablo, nüchajaain sukuwaʼipa süpüla nüküjain pütchi jee nükatsüinrüin saaʼin wayuu.
-
¿Saapajeetche amaa wayuu maʼleekalia wanüiki sünain aküjaa pütchi?
Jn 10:25, 26; 15:18-20; Alu 28:23-28
-
Pütchi suluʼuka tü Bibliakalü anaka maʼin:
-
Jer 7:23-26: Nüküjain Jehová nükajee Jeremías kojuyatuain nayoutuin süchiki na israelitakana naapajüin nanüiki na nünüikimaajanakana.
-
Mt 13:10-16: Nüküjain Jesús wainmeenain na wayuu ayoutakana aapajaa nünüiki Maleiwa maʼaka soʼu nükalia Isaías.
-
¿Jamüsü nnojotkaʼa ponuin waaʼin wattain saalii wayuu maapajüinka nünüiki Maleiwa?
¿Kasa wayaawataka akajee eejeenain wayuu aapaakana sümaa Nünüiki Maleiwa jee mamalainjeenaka amüin shia mapa?
¿Kasa alataka namüin waneinnua anoujashii wayaawataka akajee tü waaʼinrajatkalü eere wayuu apülajaka woulia waküjain pütchi?
¿Kasa waainjaka süpülajüle wayuu woulia waküjain pütchi?
¿Kasa wayaawataka akajee eejeenain wayuu aapaweenaka sümaa tü pütchi waküjakat?
¿Kasa nuchuntaka Maleiwa namüin na aküjakana tü pütchi anakat maʼin?
Alu 20:26, 27; 1Co 9:16, 17; 1Ti 4:16
Paashajeʼera Eze 33:8.
¿Jamüshii waküjainjanakaʼa pütchi sümüin wayuu süpüshuaʼa jaʼitasü naatain tü sunoujakalü anain, naatain shiʼiruku jee suumain?
Mt 24:14; Alu 10:34, 35; Ap 14:6
Paashajeʼera Sl 49:1, 2.
¿Anasüche waküjale pütchi soʼu kaʼi eekai eein neʼe, jaʼitasü saawanoʼuluin shia?
¿Kasa alataka namüin waneinnua wayuu wayaawataka akajee anain waküjale pütchi sümüin wayuu süpüshuaʼa, jaʼitasü eere Biblia sümaʼana jee suʼunule suluʼu wanee iküleesia?
Eesüjaʼa kamalainjeerüle pümüin aashajeʼeraa tüü
TATÜJAKA SÜNAINJEE TÜ BIBLIAKAT
Nüchiki wanee surulaat jee müsia wanee jintut
Aashajaasü wanee jintut sümaa tü sülaamainkat süchiki pülashin maʼin Jehová. Eesü kasa anasü alataka sutuma tü saaʼinrakat.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
