EKIRAJAAYA 10
Naapajatka Maleiwa wamüin woonoole nümaa
Saaʼu tü Mmakat, asoʼiraajeerü saaʼin wainma wayuu (Aluwataaushikana 24:15)
Jülüja waaʼin süpüshuaʼa tü kasa anasü naapeetkat Je’waa wamüin sutuma woonooin nümaa. Nnojoleena ayuulin otta nnojoleena müliain waya sutuma laülawaa. Süka nnojoleerüin wayuu mojulaasü, wanoujeerü anain tü namakat na waneeinnua.
Müiria nnojoluin mojuu aaʼin jee aʼyalajaa. Nnojoleerü laülaain jee ouktüin wayuu.
Eejeena pümaa paʼaleewainyuu otta püpüshi. Aneerü maʼin kepiaa suluʼu tü Mmakat paʼaraiisüpa shia.
Nnojoleerü mmoluin naaʼin na wayuukana jee talateerü naaʼin.
Nnojoleerü müliaa sutuma Nuluwataaya Maleiwa (Alateetkat Mapeena 21:3, 4)
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Paapüirü süchiki Nuluwataainjachin Maleiwa?
Tü nikirajakat maʼin anain Jesuu sünain aküjaa pütchi, shia süchiki Nuluwataaya Maleiwa. Kakaliairü achuntuin wayuu süpüla süntüin Nuluwataaya Maleiwa.
WACHIKI
¿Jamüshii wekirajaainjanaka sünain tü Bibliakat?
Talatüsü maʼin naaʼin watta naalii wayuu sainküin mmaka süka nekirajaain sünain tü Bibliakat, yala, ekirajaashii sünain tü kasa natüjaweekat maʼin aaʼu na wayuukana. Pikirajaa sünain tü Bibliakat.
KARALOʼUTAIRUA OTTA POYEETOIRUA
¿Jameetche sukuwaʼipa wayuu watta kaʼi?
Pikiraja sünain piamasü kasa wanoujüinjatka atuma sünain tü sümakat tü Bibliakat süchiki aneerüin maʼin tü wakuwaʼipakat watta kaʼi.
