Suʼttia tü shiʼipakat 3
Saashin tü Bibliakat, palitchon na wayuu aʼyataakana nümüin Jehová süchikijee tü juya miyoʼushaatakat. Maʼaka naaʼin Abrahán, chi naʼaleewain Jehová münakai. Wekirajaajeerü anain jamüin naʼaleewain Jehová nümünaka. Kachonle pia, pükaalinja naya süpüla natüjaain saaʼu jülüjain naya naaʼin Maleiwa waneʼewai nakua otta nükaalinjeein naya. Eesü süpüla wachuntuin kaalinwaa nümüin Jehová maʼaka naainjain shia Abrahán, Lot nümaa Jacob otta wanoujeerü anain nikeraajeerüin Jehová süpüshuaʼa tü pütchi nüpansaajakat wamüin.
SÜNAIN SHI'IPAKAT TÜÜ
EKIRAJAAYA 7
Miichi miyoʼu chajatka Babel
Nakumajeein na wayuukana wanee pueulo miyoʼushaata otta wanee aliikajaalee chaa sutuʼupaʼamüin tü sirumakat. ¿Jamüsü nuʼwanajeʼeraka Maleiwa nanüikipala na wayuukana?
EKIRAJAAYA 8
Abrahán sümaa Sara jaa müshii nümüin Jehová
¿Jamüsü nüpütaka Abrahán sümaa Sara nepia süpüla kepiayaainjanain naya loona suluʼu tü mmakat Canaán?
EKIRAJAAYA 9
Kachon müshiijaʼa naya
¿Kasa naaʼinrajatka Maleiwa süpüla nikeraajüin tü nümakat nümüin Abrahán? ¿Jarai ekeraajüinjachika anain pütchikat tia? ¿Isaac niataapa Ismael?
EKIRAJAAYA 10
Soto paaʼin tü alatakat sümüin nuʼwayuuse Lot
Ojutuusü nutuma Jehová siki otta azufre saaʼu tü mmakat Sodoma otta Gomorra. ¿Jamüsü sajaʼttinnaka tia pueulokalüirua? ¿Jamüsü jülüjainjatka waaʼin tü alatakat sümüin nuʼwayuuse Lot?
EKIRAJAAYA 11
Ooʼulaküna aaʼinrü nunoula Abrahán
«Anakajaʼa jooluʼu pümaale chi püchon waneeshikai chamüin suluʼumüin tü mmakat Moria. Puʼuteechi aaʼin nia chamüin», müshi Jehová nümüin Abrahán. ¿Kaseetche naaʼinraka Abrahán?
EKIRAJAAYA 12
Aapünüsü apaalaa nümüin Jacob
Isaac sümaa Rebeca senkeyuu nachonnii, Esaú nünülia wanee otta chi wanee, Jacob nünülia. Süka niain Esaú chi eʼirumaakai, aapünüinjatü nümüin sujut tü eʼirumaakat. ¿Jamüsü nuʼwanajaaka sujut tü eʼirumaakat saaʼu wanee kisaawa?
EKIRAJAAYA 13
Anajiraashi Jacob nümaa Esaú
¿Kasa naaʼinraka Jacob süpüla saapünüinjatüin nümüin wanee anaa nümüin nutuma wanee aapiee? ¿Kasa naaʼinraka süpüla anajiraainjachin nia nümaa Esaú?
