EKIRAJAAYA 6
Jamaluʼuluin otta tü shikirajakalü anain
Juan 10:33-36
PÜTÜJAINJATKA APÜLEERUA: Nnojo paashajeʼerüin wanee wetsiikulo otta pülatüin sünain wanee kasa naata süchikijee. Jülüja maʼin paaʼin nayaawatüle saaʼu na wayuukana tü wanaawakalü atuma tü wetsiikulokot sümaa tü pikirajakat.
SUKUWAʼIPAINJATKA
-
Püküja wanee pütchi anaka maʼin. Süchikijee paashajeʼerüin wanee wetsiikulo, püküja tü pütchi anakat maʼin sünainpünaaka tü paashajaakalü achiki. Paaʼinra tia sükajee puchuntuin süchikuaʼa tü pütchi paashajeʼerakat jee shiale püsakirüin na aapajakana pünüiki süpüla nayaawatüin saaʼu tü pütchi anakat maʼin.
-
Puchunta süchikuaʼa tü pütchi anakat maʼin. Paashajeʼerüle wanee wetsiikulo süpüla piiʼiyatüin wanee pütchi, ayatajatia shia wanaawain putuma sümaa tü paashajaakalü achiki.
-
Mapülee putuma shikirajia. Nnojo püküjain wanee kasa nnojotka choʼujaain maʼin, nnojotka sünainpünaain tü paashajaakat maʼin achiki. Püneeküinjatü kasain choʼujaain süpüla natüjaain saaʼu na aapajakana pünüiki. Paaʼinrajatü tia süka eein pütchi natüjaaitpaka aaʼu.
