Suluʼu tü rewiisüta süpülajatkat wayuu süpüshuaʼa, naatawaisü tü pütchi aashajaanaka achiki suluʼu waneʼewai sukua. Aainjünüsü tia soʼujee juyakat 2018. Tia rewiisütakat shia süpüshi tü wekirajaakalü aka wayuu, makalaka eein süpüla waküjain pütchi süka. Eesü süpüla walüʼüjüin waneesia woʼunapa sünain ayaʼlajawaa otta woʼunajaale jalapünaa yaa, nnojotpejeʼe süpülajatüin wekirajüin wayuu sünain tü Wiwüliakat süka. Anapejeʼe shia süka keeʼireejeerüin naaʼin na wayuukana neʼrajüin Maleiwa.

Paashajaapa nümaa wanee wayuu, paashajeʼera nümüin wanee wetsiikulo suluʼuka Wiwüliakat otta püküja nümüin wanee pütchi kamalainjeetka nümüin suluʼuka wanee rewiisüta. Jamüshijaʼa kapüshire nia, mojule naaʼin jee shapaale naaʼin, eeshi süpüla pümüin nümüin: «Jekenainka taashajeʼerüin süchiki wanee pütchi makalü aka saaʼin tü alatakat pümüin, ¿eesü süpüla teeʼiyatüin shia pümüin?». Kamalainre nümüin chia wayuukai tü pütchikat, eesü süpüla paapüin wanee rewiisüta nümüin jee puluwataale shia nümüin suluʼupünaa Internet. Eesü süpüla paainjain tia soʼu tü palajatkat kaʼi paashajaaka oʼu nümaa. Tü waküjakalü aaʼujee pütchi, nnojotsü shiain süpüla weitajüin tü karaloʼutakalüirua. Anapejeʼe tü rewiisütakalüirua süpüla wantüin sünain wayuu aʼwaajeeka Maleiwa (Alu 13:48).