Jalouisü wamüin tü Nünüikikat Maleiwa soʼunnaa müliaa (2Ti 3:1, 16, 17). Eejeetpejeʼe kaʼi nnojoleetka oʼu watüjaain saaʼu jaralüin tü pütchi jalouijeetkat wamüin suluʼujee tü Bibliakat. ¿Piache wanee wayuu achajaaka pütchi jalouijeetka pümüin süpüla pikirajüin püchonnii? ¿Piache wanee jimaʼai jee majayüt ooʼulakünaka anoula? ¿Müliasüche paaʼin sutuma outuin puʼwayuuse? Suluʼu jw.org puusüteerü anain tü sümakat tü Bibliakat süchiki tü pütchi püchajaakalü achiki jee sooʼomüin pütchi (Pr 2:3-6).

Suluʼu jw.org piʼitaa clic eere sümüin SHIKIRAJAKA ANAIN TÜ BIBLIAKAT (ayaakuaa 1). Püneeka tü pütchi pütüjaweekalü aaʼu saʼakajee tü pütchi eeʼiyalaakat jee shiale piʼitaain clic eere sümüin KARALOʼUTAIRUA> KOJUYASÜIRUA PÜTCHI jee püneeka tü pütchi pütüjaweekalü aaʼu saʼakajee tü pütchi yalakat yala (ayaakuaa 2). Eesü süpüla puusütüin anain tia pütchikat suluʼu JW Library^®. a Suluʼujee türa piamasükat sukuwaʼipa achajaale pütchi, mapüleejeerü pümüin puusütüin anain tü pütüjaweekalü aaʼu. Wane sukuwaʼipa süpüla püchajaain süchiki tia shia püshajüle eere sümüin «Püchajaa yaaya» (saʼatoʼusü shia tü luupachonkot suluʼuka jw.org).

Püshaja tü pütchi wünaapünaakat eere sümüin «Püchajaa yaaya» suluʼuka jw.org otta püshaja yala sooʼomüin tü pütchi pütüjaweekalü aaʼu.

• Wekiraja wachonnii

• Jamakuwaʼipalüin kasakalüirua süpüshuaʼa

• Outule puʼwayuuse