KOROLO KOJUTUSÜ SULUʼUKA TÜ WIWÜLIAKAT | 2 TESALÓNICA 1-3
Eeʼiyatünüshi jaralin chi eʼrüikai wayumüin
¿Kasa nüküjeeka achiki Pablo suluʼu wetsiikulokalüirua tüü?
-
«Chi aʼalijitkai nia» (wet. 6): Eeshii nayale na aluwataaushikana.
-
«Niiʼiyataainjachin» (wet. 6): Süchikijee outuin na aluwataaushikana, eeʼiyataashii na anoujayaashiikana nünain Jesuu. Ekirajüshii naya sünain alawaa otta piama oʼupünaachii naya.
-
«Tü naaʼinrakat chi Eʼrüikai Wayumüin» (wet. 7): Soʼu nükalia Pablo, nnojotsü ayaawatünüin saaʼu jaralin chi eʼrüikai wayumüin.
-
«Chi Eʼrüikai Wayumüin» (wet. 8): Naya na nekiipüʼükana na anoujayaashiikana nünain Jesuu maaʼulu.
-
«Soʼuweena tü kaʼi nüntakat oʼu chi Senyotkai Jesús, eewoleechi chi Eʼrüikai Wayumüin» (wet. 8): Atüjaaneerü aaʼu sünain shiimain nuluwataain Jesuu najaʼttirapa chi eʼrüikai wayumüin otta tü kasa nuluwataakalü aaʼu Satanaa maʼaka nüküjain shia paala Jeʼwaa.
¿Jamüsü sütütüleʼeraka taaʼin pütchikalüirua tüü süpüla teʼrüin choʼujaain maʼin taküjain pütchi?
