પહેલાંના સમયના ઘણા ઈશ્વરભક્તોએ યહોવાને પ્રાર્થનામાં પોતાની ચિંતાઓ જણાવી. બાઇબલમાં જણાવ્યું છે કે તેઓએ પ્રાર્થનામાં શું કહ્યું અને યહોવાએ એનો કઈ રીતે જવાબ આપ્યો. યહોવાએ જે રીતે મદદ કરી, એ જોઈને તેઓની શ્રદ્ધા મજબૂત થઈ હશે. આપણે પણ પોતાની મુશ્કેલીઓ વિશે પ્રાર્થનામાં સાફ સાફ જણાવીએ. એનાથી જોઈ શકીશું કે યહોવા આપણી પ્રાર્થનાનો કઈ રીતે જવાબ આપે છે. આપણે વિચાર્યું હોય એ રીતે કદાચ તે આપણી પ્રાર્થનાનો જવાબ ન પણ આપે. એવું પણ બની શકે કે આપણે જે માંગ્યું હોય, યહોવા એના કરતાં વધારે આપે. (૨કો ૧૨:૭-૯; એફે ૩:૨૦) યહોવા આપણી પ્રાર્થનાનો જવાબ કઈ રીતે આપે છે?

• મુશ્કેલીઓનો સામનો કરવા બળ અને હિંમત આપે છે તેમજ શ્રદ્ધા મજબૂત કરવા મદદ કરે છે.—ફિલિ ૪:૧૩

• યોગ્ય નિર્ણય લેવા ડહાપણ આપે છે.—યાકૂ ૧:૫

• કોઈ કામ કરવાની ઇચ્છા અને બળ આપે છે.—ફિલિ ૨:૧૩

• ચિંતામાં હોઈએ ત્યારે શાંતિ આપે છે.—ફિલિ ૪:૬, ૭

• બીજાઓ દ્વારા મદદ પૂરી પાડે છે, દિલાસો અને હિંમત આપે છે.—૧યો ૩:૧૭, ૧૮

• આપણે જેઓ માટે પ્રાર્થના કરીએ છીએ તેઓને મદદ કરે છે.—પ્રેકા ૧૨:૫, ૧૧

“યહોવા પ્રાર્થનાના સાંભળનાર” છે વીડિયો જુઓ અને પછી આ સવાલોના જવાબ આપો:

• ખરાબ તબિયતને લીધે વધારે ન કરી શકતા હોઈએ તો શીમીઝુભાઈના દાખલામાંથી આપણને કઈ રીતે હિંમત મળે છે?

• આપણે શીમીઝુભાઈની જેમ શું કરી શકીએ?