વધારે ધન-દોલતની લાલસા

“જો આપણે પોતાની પાસે જે હોય એનાથી સંતોષી ન હોઈએ તો, આપણને ક્યારેય સંતોષ નહિ મળે.” —વર્લ્ડવૉચ સંસ્થાનો રિપોર્ટ.

“તમને શું જોઈએ છે? બધી જ વસ્તુઓ. ક્યારે જોઈએ છે? હમણાં જ.” આ ૧૯૬૦ના દાયકામાં કૉલેજના અમુક વિદ્યાર્થીઓનું પ્રખ્યાત સૂત્ર હતું. આજે ભલે એવું સૂત્ર સાંભળવા ન મળતું હોય, પણ ઘણા એના જેવું જ વિચારે છે. આજે પણ ઘણાને એમ લાગે છે કે ધન-સંપત્તિ જ જીવનમાં બધું છે.

અમુક લોકો તો વધુને વધુ ધન-સંપત્તિ મેળવવા રાત-દિન એક કરી નાખે છે. અમેરિકાના ભૂતપૂર્વ પ્રમુખ જિમી કાર્ટરે એક વાર કહ્યું: “વ્યક્તિ પોતાના કામોથી નહિ પણ તેની પાસે કેટલી ધન-દોલત છે એનાથી ઓળખાય છે.” હવે સવાલ ઊભો થાય છે કે શું જીવનમાં ધન-દોલત જ બધું છે? કે પછી એનાથી પણ કંઈક મહત્ત્વનું છે? જો હોય તો, એ શું છે અને એમાં આપણને શું ફાયદો છે?