યશાયા ૬૦:૧-૨૨
૬૦ “હે સ્ત્રી,*+ તારા પર રોશની ઝગમગી ઊઠી છે. ઊભી થા અને પ્રકાશ ફેલાવ!
યહોવાના ગૌરવનું તેજ તારા પર ઝળહળે છે.+
૨ જો, આખી ધરતી પર અંધારું છવાઈ જશેઅને બધી પ્રજાઓને ઘોર અંધકાર ઢાંકી દેશે.
પણ તારા પર યહોવાનો પ્રકાશ ફેલાશેઅને તારા પર તેમનું ગૌરવ દેખાશે.
૩ પ્રજાઓ તારા પ્રકાશ પાસે+અને રાજાઓ+ તારા ગૌરવના તેજ* પાસે આવશે.+
૪ નજર ઊંચી કરીને તારી ચારે બાજુ જો.
તેઓ બધા ભેગા થઈને તારી પાસે આવે છે.
દૂર દૂરથી તારા દીકરાઓ આવે છે,+તારી દીકરીઓને કેડે બેસાડીને લાવવામાં આવે છે.+
૫ એ જોઈને તારી આંખોમાં ચમક આવી જશે.+
તારું દિલ ખુશીથી ઝૂમી ઊઠશે અને આનંદથી ભરપૂર થશે.
દરિયાનો ખજાનો તારી પાસે લાવવામાં આવશે.
પ્રજાઓની માલ-મિલકત તારા હાથમાં સોંપાશે.+
૬ તારો દેશ ઊંટોનાં ટોળાંથી ઊભરાશે.
ત્યાં મિદ્યાનનાં અને એફાહનાં ઊંટો આવશે.+
શેબાથી બધા લોકો આવશે.
તેઓ પોતાની સાથે સોનું અને લોબાન* લાવશે.
તેઓ યહોવાની સ્તુતિ કરશે.+
૭ કેદારનાં+ ઘેટાં-બકરાં તારી પાસે ભેગાં કરાશે,નબાયોથના+ નર ઘેટાઓ તારી સેવા કરશે.
તેઓ મારી વેદીએ આવશે અને હું તેઓનો સ્વીકાર કરીશ.+
હું મારા ભવ્ય મંદિરની શોભા વધારીશ.+
૮ વાદળની જેમ ઊડીને કોણ આવે છે?
પોતાના કબૂતરખાનામાં જતાં કબૂતરોની જેમ કોણ આવે છે?
૯ ટાપુઓ મારા પર આશા રાખશે.+
તાર્શીશનાં વહાણો સૌથી આગળ આવે છે,તેઓ તારા દીકરાઓને દૂર દૂરથી લાવે છે,+સાથે સાથે સોનું-ચાંદી પણ લાવે છે.
તેઓ યહોવા તારા ઈશ્વર, ઇઝરાયેલના પવિત્ર ઈશ્વરના નામને લીધે આવે છે.
તે તને ગૌરવ આપશે.+
૧૦ પરદેશીઓ તારી દીવાલો બાંધશેઅને તેઓના રાજાઓ તારી સેવા કરશે.+
મારા રોષને લીધે મેં તને સજા ફટકારી હતી,પણ મારી કૃપાને લીધે હું તારા પર દયા રાખીશ.+
૧૧ તારા દરવાજાઓ કાયમ ખુલ્લા રાખવામાં આવશે.+
રાત-દિવસ દરવાજાઓ બંધ કરવામાં આવશે નહિ.
રાજાઓ આગેવાની લઈનેપ્રજાઓની માલ-મિલકત તારી પાસે લાવશે.+
૧૨ જે પ્રજા અને જે રાજ્ય તારી સેવા નહિ કરે, એનો વિનાશ થશે.
હા, એ પ્રજાઓનો સંહાર કરવામાં આવશે.+
૧૩ ગંધતરુના* ઝાડ, ભદ્રાક્ષના ઝાડ અને સરુના ઝાડ સાથે+તને લબાનોનનું ગૌરવ સોંપવામાં આવશે,+જેથી મારી પવિત્ર જગ્યા સુંદર બનાવવામાં આવે.
હું મારા પગના આસનને મહિમાથી ભરી દઈશ.+
૧૪ જુલમ કરનારાઓના દીકરાઓ આવીને તારી આગળ નમશે.
તારું અપમાન કરનારાઓ તારા પગે પડીને નમન કરશે.
તેઓએ માનવું પડશે કે તું યહોવાની નગરી,ઇઝરાયેલના પવિત્ર ઈશ્વરની સિયોન નગરી છે.+
૧૫ તું છોડી દેવાયેલી અને ધિક્કાર પામેલી હતી, તારામાંથી કોઈ પસાર થતું ન હતું.+
પણ તને કાયમ માન મળે એવી હું બનાવીશ.
તારે લીધે પેઢી દર પેઢી આનંદ મનાવવામાં આવશે.+
૧૬ જેમ મા પોતાના બાળકને ધવડાવી તેનું પાલન-પોષણ કરે,+તેમ પ્રજાઓ અને રાજાઓ તને જોઈતું બધું પૂરું પાડશે.+
એનાથી તને ચોક્કસ જાણ થશે કે હું યહોવા તારો તારણહાર છું.
હું તારો છોડાવનાર, યાકૂબનો શક્તિશાળી ઈશ્વર છું.+
૧૭ હું તાંબાને બદલે સોનુંઅને લોઢાને બદલે ચાંદી લાવીશ,લાકડાને બદલે તાંબુંઅને પથ્થરને બદલે લોઢું લાવીશ.
હું શાંતિને તારા પર આગેવાન બનાવીશઅને સચ્ચાઈને તારા પર ઉપરી ઠરાવીશ.+
૧૮ હવેથી તારા દેશમાં હિંસાની,અથવા તારી સરહદોમાં બરબાદી અને વિનાશની વાતો સંભળાશે નહિ.+
તું તારી દીવાલોનું નામ ઉદ્ધાર+ અને તારા દરવાજાઓનું નામ સ્તુતિ રાખીશ.
૧૯ હવેથી દિવસે સૂરજ તને પ્રકાશ નહિ આપે,અથવા રાતે ચંદ્ર તને રોશની નહિ આપે.
પણ યહોવા સદાને માટે તારો પ્રકાશ બનશે+અને તારા ઈશ્વર તારી શોભા થશે.+
૨૦ હવેથી તારો સૂરજ આથમશે નહિ,અથવા તારો ચંદ્ર ઝાંખો પડશે નહિ.
પણ યહોવા સદાને માટે તારો પ્રકાશ બનશે+અને તારા શોકના દિવસો પૂરા થશે.+
૨૧ તારા બધા લોકો નેક હશે.
તેઓ કાયમ માટે ધરતીનો વારસો મેળવશે.
તેઓ મારા રોપેલા છોડના અંકુર છે,તેઓ મારા હાથની કરામત છે,+ જેનાથી મને ગૌરવ મળશે.+
૨૨ થોડામાંથી હજાર બનશેઅને નાનકડું ટોળું બળવાન પ્રજા બનશે.
હું યહોવા યોગ્ય સમયે એ ઝડપથી કરીશ.”
