Jezun Kitem Kelem?

Jezu Thaun Ami Kitem Xiktat?

2. Ami lokank bori khobor sangonk sodhtat, punn teach borabor ami tankam somzon modot pasun korunk sodhtat.

 Jezuchi Dekh Gheiat

3. Dhean diun aikat. Aiknnaro aple vichar, uske, vo bhavnam sangta tednam tachem aikat ani modench uloinakat. Vo to kitem sangta tachi beporva korinakat. Tumi tachem dhean diun aikotat tednam, tumkam tachi kallji asa mhunn taka dison ietolem.

4. Aiknnarea vixim chintat. Tachea lagim tumi atam poriant jem uloileant tem motint dovrun, tumkanch vicharat:

1.    ‘Taka sot zannam zavop kiteak gorjechem asa?’

2.   ‘Bible obheas kelolean taka sodanchea jivitant, toxench fuddarak koso faido zatolo?’

5. Aiknnareak tache gorje pormonnem xikoiat. Zata titlea begin Bible obheas kelolean taka tache prosnanche zobab mellonk ani faideak poddttat tosle solʼle mellonk, koxi modot zatolim tem dakhoiat.