PROKASOVNNI, Bibleantlem nimannem pustok sogllea monxakullak bhorvanso dita. Dhormdut Juanvan boroilʼlea, hea pustokant Jehovahche udhex xarti pavoita toslim zaitim ghoddneachim dorxonan dakoileant.

Poilea dorxonant, punorjivont zalʼlo Jezu thoddea sobhamchi tust korta ani chuki dakoita. Fuddlea dorxonan sorgar Devachem xinvason dista, zoim otmik rochnnam Devachi vakhanni korta.

Tea uprant, Menddreak, Jezu Kristak sat xikke marlolo ek kovllo dilo. Poile char xikke ugoddtoch, khunna rupant ghoddesvor sonvsaracher ietat te distat. Raiponnacho mukutt ghalun poilea dhovea ghoddeacher bosun Jezu asa. Uprant veg-vegllea rongache ghoddeancher boslele ghoddesvor ietat. He ghoddesvor, provadeanim sanglolea pormonnem zhuzam, dukoll ani voxeachi pidda hem sogllem kallam-iuganche sompadnnek ghoddtolem mhonn dakoitat. Satvo xikko ugoddtoch khunna rupant sat turtureo vaztat, jeo Devachi monxubi porgottʼtat. Heo porgottneo khunna rupant sat pidda vo Devacho krodh kolloitat.

Devachem raz sorgar sthapon zalam hem ek nikttoch bhurgo zolmota he khunna rupant dakoilam. Zhuz suru zalem ani Soitan ani tachea khottea dutank prithumer xevttile. “Prithumechem kotta” oxem vhoddlean ek tallean mhunnttlem. Apnnak thoddoch vell asa mhonn zanna zavun Devchar bhov ragixtt zalo.—Prokasovnni 12:12.

Jezuk menddrachea khunne rupant ani tachea sangata 1,44,000 monxakullantlean vinchun kaddlele Juanvan sorgar dekhle. He Jezu sangata ‘rai zavun raj choloitole.’ Prokasovnni kolloita ki bim-acho dusre bhageliancho ank sogllo mellon 1,44,000.—Prokasovnni 14:1; 20:6.

Armageddonak mhonnge “Sorvpodvedar Devachea Vhoddlea Disachea zhuzak” Prithumevele raza ektthaim zatat. Sorginche foujecho fuddarponn kortelea, dhovea ghoddear boslelea Jezu lagim te zhuz kortat. Prithumevelea sogllea razancho nas zata. Soitanak bandun dovortat, Jezu ani 1,44,000 zann “ek hozar vorsam” prithumecher raj kortat. Hozar vorsam somptoch Soitanacho nas kortat.—Prokasovnni 16:14; 20:4.

Devak khaltim ravlelea monxank, Krista ani tache raj bhagidaranchea hozar vorsamche razvottkent koslo faido zatolo? Juanv boroita: [Jehovah] “Tanchea dolleantlim sogllim dukam to pusun kaddtolo; moronn anink aschem na, dukh anink korchim nant, rudon somptolem, koxtt-ui anink asche nant. Adlem sogott soron gelem.” (Prokasovnni 21:4) Prithum ek bhuimkutt zali!

Hea porim Prokasovnni pustok Bibleacho sondhex sompurnn korta. Mesiasache razvottke udexim, Jehovahchem nanv povitr zalem anink Tachem Sorvesporponn soglle sasnnak sompurnnaiek pavlem!

​—Prokasovnni pustokacher adarlelem asa.