KHOIMCHOI paper vachlear, TV polloilear, vo reddio aikolear amkam zulum, zhuzam ani akantvadd, heoch khobro melltta. Tumkam-i tras sosunk poddleat astole. Duensak lagon vo tumcho konnui mela mhunn tumkam khub dukh zalam astolem. Tumkam Devacho visvaxi sevok, Joba sarkem disonk xokta. Taka aplea koxttachem vozon doriache “renve poros odik” zhodd koxem distalem.​—⁠Job 6:2, 3.

Tumkanch vicharun polloiat:

• Mhaka ani herank oxench zal’lem Devak zai aslem kai?

• Mhojer tras ietat tednam mhaka khoim modot mellttoli?

• Prithumer kednam-i tori xanti ietoli mhunn ami bhorvonso dovrunk zata?

Bible amkam hea prosnanche sarke zobab dita.

‘To tanchea dolleantlim sogllim dukam pusun kaddtolo; moronn anink aschem na, dukh anink korchim nant, rudon somptolem, koxtt-ui anink asche na.’—Prokasovnni 21:​4

“Merva bhaxen thontte uddi marunk lagtole.”—Izaias 35:​6

“Kudd’ddeanche dolle ugoddtole.”—Izaias 35:​5

 Melolim soglim utt’ttholim.—Juanv 5:​28, 29

“Thoinsor ravpi konnuch ‘apunn boro na mhonn’ sangcho na.”—Izaias 33:​24

“Porvotanche tengxe meren . . . piktolo dhanno.”—Stotr 72:​16

Pan 4 ani 5-acher dakhoilam tem kednanch ghoddchem na oxem somzum nakat. He bodol apunn prithumecher haddttolo mhunn Dev amkam khatri dita. To hem koxem kortolo tachi somzonni Bible amkam dita.

Bible-ant itlench nhoi punn anikui zaitem xikonk melltta. Aichea disamnim pasun, ami koxim khuxal ravonk zata tem Bible amkam dakhoita. Atam thoddeach vellak lagon tumcher ail’lea koxttam vixim chintun polloiat. Tumchea ghorant ghoddie xanti nasot, tumkam poixanchem unnemponn asot, duens asot vo tumcho konnui mela zait. Oslea koxttanchea vellar tumi kitem korchem tem Bible dakhoita ani sokol dileat toslea mhotvachea prosnanche zobabui dita.

• Amcher koxtt kiteak ietat?

• Amcher koxtt ieta tednam ami kitem korunk zai?

• Ami ghorabeant khuxalkai koxi haddunk zata?

• Melea uprant ami khoim voitat?

• Amcho konnui melo zalear to amkam porot mellttolo?

• Fuddara vixim Dev apleo bhasaunneo purnn kortolo mhunn ami kiteak khatri dovrunk zata?

 Tumi hem pustok vachtat, tachea voilean tumkam Bible kitem xikoita, tem zannam zaunk zai mhunn kolltta. Hea pustokantlo dor ek odheai lhan bhagamnim vanttla, tea bhagank peregraf mhunnttat. Dor ek peregrafak ank dila, ani tacher adarit prosn panachea sokol asa. Tea prosnanche zobab tumkam tea-tea peregrafant mellttole. Lak’khamnim lokank Jehovachea Sakxeam sangata hea ritin Bible xikonk borem dista. Tumkam-i avoddttolem mhunn ami axetat. Bible khorench kitem xikoita, tem xiktana Devachem besanv tumcher asum mhunn ami magtat.