ATTENDANT Tumkam modot korunk attendant nemlole asat. Te tumkam parking korunk, bhair-bhitor soronk, tumchi boska samballunk ani her vostum vixim sangtat tednam, upkar korun tanchem aikat.

BAUTISM Bautizm gheunchim asat tankam manchie-chea fuddem, poilea row-ant boska samballun dovorlolea astoleo. Hea manddavollint kitem-i bodol asa zalear tumkam kolloitole. Bautismachea umedvaramnim, Sonvaram sokallim bautismachem bhaxonn suru zaunchea adim thoim apli boska gheunchi. Zonn-eklean aplo tuvalo ani moriadichi nesonn haddop ghorjechem.

DENNGIM Hea odhivexonak hajir asloleank bori boska, boro sound system, viddeo sadhon ani her suvidha mellonk favo to khorch kela, jea udexim hanga hajir zaunk amkam sontos bhogta ani Jehovachea lagim soronk amkam modot zata. Ap-khuxen kelolea tumchea denngeam udexim ho khorch bagounk adar zata, toxench sonvsarbhor porgottnneachea kamak-ui adar melltta. Tumkam sompem zaunk, spoxtt ritin boroiloleo dan-petteo hea holant dovorleat. Tumi donate.jw.org website-ir vochun online pasun dengim diunk zata.Tumchea ap-bhettounnechea denngiank lagon ami khub upkari asat. Tumi Razvottkechea kamank adar korunk, udar monan kelolea denngeam pasot Sonchalon Monddoll tumche upkar attoita.

FIRST AID Upkar korun, ugddas dovrat hem FOKOT AKANTACHEA GHODDIEKUCH asa.

SANDDOP ANI MELLOP Konnak-ui sanddloleo vostu mell’leo zalear, teo Sanddop ani Mellop hea khateant vhoron diuncheo. Tumchem kitem-i sanddlam zalear, hea khateant vochon tumcheo vostu vollkhon gheuncheo. Avoi-bapai thaun bhurgim koddsoron sanddleant zalear, tankam hea khateant vhoron diunchim. Punn ugddas dovorat, oxi poristhiti iena zaunk avoi-bapain aplea bhurgeancher dhean dovorop ani tim aplea borabor asa mhunn khatri korop gorjechem.

BOSKA Upkar korun eka-meka vixim chintat. Ugddas dovrat, fokot tumchea ghorcheank vo tumchea sangata provas kortoleank vo tumchea ghorant ravtoleank vo tumchea sangata Bible xiktat, tankanch boska samballchi. Tumkam goroz nam tea boskancher vostu dovorcheo nhoi.

AP-KHUXEN KELOLI SEVA Zor tumkam odhivexonachea kamant ap-khuxen modot korpachi khuxi asa zalear, upkar korun, Mahiti ani Ap-Khuxen Keloli Seva khateak kolloiat.

Raj Porgottnnarank Kors 23 te 65 piraie modlim purnn vellachim sevokam, zankam apli seva vaddounchi khuxi asa, tankam Aitara donparam, Raj Porgottnnarank Kors hea zomatik hajir zaunk amontronn asa. He zomaticho sarko vell ani zago adim fuddench kolloitole.