“Sonvsarbhor portun poixeanchem unnemponn zaunchi poristhiti ailea,” oxem World Bank Group-achea mukhelean, Jun 2022-achea riporttant sanglem. “Hea pavtti, mhargai chodduch vaddot asa ani teach borabor lokam lagim unne poixe asat.”

 “Petrol, Diesel ani jevnna-khannacheo vostu rokddeoch mharog zaleat. Hea pasot, poixeanchem unnemponn aslolea desantlea lokank chodd tras zatat,” oxem International Monetary Fund-an sanglam.

 Poixeanchem unnemponn kiteak zata, oxem zata tednam ami kitem korunk zata, ani hi oddchonn sasnak suttavi zaunchea vixim koslo bhorvonso asa, hem zannam zaunk Bible amkam modot korta.

•   Ami jietat tea kallak Bible-ant ‘nimanne dis’ mhunnttleat.—2 Timotak 3:1.

•   Hea kallar “bhirankull ghoddnneo” ghoddttoleo mhunn Jezun sanglem. (Lukas 21:11) Mhargai khub vaddtta tednam lokanchea monant bhirant ieta. Tor fuddarak kitem zatolem, ani tim aplea familik posunk pavtolim kai mhunn tim uskeunk lagtat.

•   Prokasovnni pustokant nimannea disamnim jevnna-khannachem unnemponn astolem ani khub poixe diun jevonn viktem gheunk poddttolem mhunn sanglam. Thoim mhunnttlam: “Eka tallea sarko avaz mhaka aikonk ailo . . . Tea avazan mhunnttlem, ‘Ek xer bhor gonv zai zalear tumkam akʼkhea disachem pagar diunchem poddttolem.’”—Prokasovnni 6:6, Easy-to-Read Version.

 Tor ‘nimannea disam’ vixim, ani Prokasovnni pustokantlea bhasaunne vixim anik zannam zaunk, 1914 Vorsa Thaun Sonvsarachi Poristhiti Bodolʼlea ho video polloiat, ani “The Four Horsemen—Who Are They?” ho lekh vachat.

•   “Tim ghoram bandtolim ani tantum ravtolim, dakanche molle roitolim ani tanchim follam khatolim. Dusreank ravpak ghoram bandchim nant, dusreamnim follam khavpak zhaddam roichim nant.”—Izaias 65:21, 22.

•   “Porvotanche tengxe meren subhamponnan desant piktolo dhanno.”—Stotr 72:16.

•   “Sorvespor mhonntta: Zobordosti bhogtolea dublleam khatir, haskar-suskar soddtolea goribam pasot, Hanvuch atam utthun ietam!”—Stotr 12:5. a

 Dev fokot ekuch desant nhoi, punn sonvsarbhor, poixeanchi oddchonn suttavi kortolo. To tem koso kortolo tem zannam zaunk “Is a Fair Economic System Possible?” ho lekh polloiat.

 Mhargai vaddtta tacho ami koso fuddo korunk zata, tea vixim Bible amkam aiz pasun modot korunk xokta. Koxem? Poixe zannvaien koxe uzar korche, tea vixim Bible-ant bore solʼle dileat. (Mhonnʼnneo 23:4, 5; Upodexok 7:12) Hea vixim anik zannam zaunk, “Protect Your Livelihood” ani “How to Live on Less,” he lekh polloiat.