Amcho mogacho konnui morta tednam tim jivont zatolim ho bhorvonso amkam bhuzvonn dita. Tori astana, patkak ani mornnak lagon, amkam sogleank khub tras sosunk poddttat. Tea pasot, Bible-ant patkak ani mornnak, “sogllea lokancher poddlolo asa to dukhacho poddʼddo,” ani “sorv raxttrank pangrun dovorta tem chador” oxem mhunnttlolem asa. (Iz. 25:7, 8) Ani “akhi rochnna ballontichea vaittant aslelea porim, azun porian koxttovta” hachem ek karonn hench zaun asa. (Rom. 8:22, Povitr Pustok - Novo Korar) Tor amchim mogachim melolim jivont zatat mhunnosor hem dukh sosunk ami kitem korunk zata? Devachea Utrant aslolim totvam amkam modot korunk xoktat.

MOGACHO KONNUI MORTA TEDNAM KITEM KORCHEM? HO VIDEO POLLOIAT ANI UPRANT HEA PROSNANCHE ZOBAB DIAT:

• Danielle, Masahiro ani Yoshimi-k koslem dukh sosunk poddlem?

• Tanchem dukh sosunk, khoincheo panch vostu kelolean tankam modot zali?

• Bhuzvonnechi mukhel Zhor konn zaun asa?—2Kor. 1:3, 4