Ek dhanvpi boro dhanvpi zatolo zalear tannem apnnakuch proxikxonn di-it ravonk zai. Teach bhaxen, borea ani vaitta modem ontor vollkhonk amchi tank amkam vaddounk zai zalear ami vavr korit ravonk zai. (Heb. 5:14) Ami amchi chintpachi tank uzar korun amche svotache nirnnoi gheunk zai. Karonn ami sogleamnim, ami ghetat tea nirnnoi-ancho Devak hixob diunk poddttolo.—Rom. 14:12.

Tor ami nirnnoi ghetat tednam dusrim kortat mhunn ami korchem nhoi vo ami zaitim vorsam sotant asat dekhun ami bore nirnnoi gheunk xoktat oxem ami chintchem nhoi. Tachea bodlek, ami bore nirnnoi gheunk Jehovacher patieun ravonk zai ani tachem Utor ani songotton dita tem margdorxon pallunk zai.—Josh. 1:7, 8; Mho. 3:5, 6; Mt. 24:45.

“EK BOREM ONTOSKORNN SAMBALLUNK VAVRAT,” HO VIDDEO POLLOIAT ANI UPRANT HEA PROSNANCHE ZOBAB DIAT:

• Emmak koslo nirnnoi gheuncho poddlo?

• Dusreank aplea ontoskornna pormonnem nirnnoi gheunk poddtta tednam ami tankam amche vichar kiteak sangche nhoi?

• Eka zoddpean Emmak koslo boro solʼlo dilo?

• Emmak ek boro nirnnoi gheunk khoim thaun modot mellʼlli?