Tumkam koslea munxa lagim ixttagot korunk avoddtta? Ghoddie oslea munxa lagim zo tumkam sodanch sangat dita, doia dakhoita ani udar kallzacho asa. Jehovak oslech gunn asat. (Sutt. 34:6; D.I. 14:17) Tumi tache lagim magnnem kortat tednam to tumchem aikota. Tumkam goroz asa tednam to modot korta (St. 18:19, 35) Tumcheo chuki to bhogxita. (1Ju. 1:9) Khorench, Jehova sarko ixtt ani konnuch na!

Tumi Jehovachi ixttam koxi zaunk xoktat? Bible vachun tache vixim xikat. Tumchim soglim chitnam taka sangat. (St. 62:8; 142:2) Jehovak tacho Put, tachem Raz ani fuddara vixim kel’leo bhasaunneo khub mhotvacheo asat. Tor, tumi-i hancho valor kortat mhunn dakhoiat ani dusreank tanche vixim sangat. (D.S. 32:3) Tumi Jehova sangata ghott ixttagot kortat zalear to tumcho sodanch ixtt zaun urtolo.—St. 73:25, 26, 28.

TORNNATTEAMNO—“JEHOVA KITLO MHONVALL GODD TEM CHAKUN POLLOIAT” HO VIDDEO POLLOIAT, ANI SOKOL DILOLEA PROSNANCHE ZOBAB DIAT:

• Tumi somorponn ani bautizm gheunk koxi toiari korunk zata?

• Sobhentlea bhav-bhoinnanchea adaran tumi Jehovachi seva koxi korunk zata?

• Porgottnnechem kam kel’lean, Jehova sangata tumchi ixtagott koxi ghott zata?

• Anik koxe toren tumi Jehovachi seva korunk zata?

• Jehova vixim tumkam kitem avoddtta?