Jehovache sevent bhoinno khub moladik kam kortat. (St. 68:11, NW) Zoxem, choddxe Bible obheas bhoinno ghetat. Toxench niemit pioneer-am modem choddxeo bhoinno asat. Tea bhair, tim Bethel-ant, mixinori sevent, bandkamant vo bhaxantor korchea kamant pasun vavurtat. Toxench, zaiteo bhoinno aplea familik ani sobhek ghott korunk modot kortat. (Mho. 14:1) Bhoinno, vhoddil vo sobheche sevok mhunn seva korunk xokonant zalear pasun tannim Jehovachi seva vaddounk dusre dhei dovrunk zatat. Tum ek bhoinn zalear Jehovachi seva vaddounk tunvem kitem korunk zata?

• Jehovak manvotat tosle Kristi gunn vaddoiat.​—1Tim. 3:11; 1Ped. 3:3-6

• Sobhent tumchea poros piraien lhan vo chodd onnbhov naslolea bhoinnank modot korat.​—Tit. 2:3-5

• Sevent chodd vell sarunk ani borea ritin porgottunk proitn korat

• Ek novi bhas xikat

• Porgottnnaranchi chodd goroz asa toslea zagear vochon porgottnni korunk fuddem sorat

• Bethel-ant kam korunk vo songottnnechea bandkamant adar diunk fuddem sorat

• Raj Porgottnnarank aslolea Kors-ak vochonk fom bhorat

‘SOMIACHE SEVE-CHAKRENT KOXTT KORUN VAVURTAT TEO BAILO,’ HO VIDEO POLLOIAT ANI UPRANT HEA PROSNACHO ZOBAB DIAT:

• Dor eke bhoinnicho onnbhov aikon tuka koxi urba mellʼlli?