KITEAK GORJECHEM: “Monxachim chintnam khol baintulea udka bhaxen” zalear, prosn tem udok kaddunk uzar kel’lea kollxea bhaxen. (Mho. 20:5) Ami prosn vicharlear aiknnareak chintunk modot zata. Ami borem prosn vicharlear, aiknnareachea zobab-a voilean, to kitem chinta tem somzonk amkam modot zata. Jezu ekdom borem ritin prosn vichartalo. Ami tachi dekh koxi gheunk zata?

HEM KOXEM KORCHEM:

• Aiknnaro kitem chinta tem zannam zaunk prosn vicharat. Aple xis kitem chintat tem zannam zaunk Jezun, tankam eka-fattlean-ek prosn vicharle. (Mt. 16:13-16; be-E 238 ¶3-5) Aiknnaro kitem chinta tem zannam zaunk tumi khoinche prosn vicharunk zata?

• Aiknnareak eka vixoi-achi sarki somzonni mellonk modot kortat tosle prosn vicharat. Pedruk eka vixoiacher sarke ritin somzaunk, Jezun veg-veglle prosn vicharle ani tea prosnanche sarke zobab kitem asonk xokta tem chintunk taka modot keli. Oxem kel’lean Pedruk sarki somzonni mell’lli. (Mt. 17:24-26) Aiknnareak eka vixoiachi sarki somzonni mellonk tumi kosle prosn vicharunk zata?

• Aiknnareak xabaski diat. Eka dhormxastrian ‘xanneponnan zobab dilo’ mhunn Jezun taka xabaski dili. (Mk. 12:34) Aiknnaro amchea prosnacho zobab dita tednam ami taka koxi xabaski diunk zata?

JEZUN KEL’LEM KAM KORAT—XIKOIAT, HO VIDDEO POLLOILEA UPRANT SOKOL DIL’LEA PROSNANCHE ZOBAB DIAT:

• Tea bhavan dil’li mahiti sarki asli, torui hea ritin xikovop kiteak chukichem?

• Mahiti ditat tednam prosn vicharop kiteak gorjechem?

VIDDEO-CHO DUSRO BHAG POLLOIAT, MAGIR SOKOL DIL’LEA PROSNANCHE ZOBAB DIAT:

• Tea bhavan prosn bore ritin koxe uzar kele?

• Tea bhavachi anik khoinchi xikovpachi kola ami uzar korunk zata?