Jehovak vakhannunk Israelitkaram lagim zaitim borim karonnam aslim. Tannem tankam Ejipttantlean suttka dili ani Faraohchea fouje thaun tankam rakhlim! (Sutt. 15:1, 2) Aiz pasun, Jehova aplea lokank modot korit asa. Jehovachim upkari asat mhunn ami koxem dakhounk zata?—St. 116:12.

Ami upkariponn dakhounk sahaiok vo niemit pioneer seva korunk zata. Pioneer seva korunk tumkam mon ani boll di mhunn tumi magnnem korunk zata. (Filp. 2:13) Zaitim zannam poilim sahaiok pioneer seva suru kortat. Sahaiok pioneer zaunk tumkam sevent 50 voram ghalchim poddttat. Punn, Mars ani Abril mhoineant toxench, sorkittacho dekhrekh korpi ieta tea mhoineak tumi fokot 30 voram kelear sahaiok pioneer zatat. Sahaiok pioneer sevent melltta to sontos onnbhovlea uprant tumkam ghoddie niemit pioneer seva korunk urba mellttoli. Thoddim, jim ak’kho dis kam kortat vo zanchi boilaiki titli bori asona tim pasun niemit pioneer seva korunk pavleant. (mwb16.07-E 8) Pioneer seva korun ami Jehovak kallzant thaun vakhann’nni ditat ji taka favo!—1It. 16:25.

MONGOLIA-NTLEO TIN BHOINNO, HO VIDDEO POLLOIAT ANI MAGIR SOKOL DILOLEA PROSNANCHE ZOBAB DIAT:

• Hea tin bhoinnank kosleo oddchonneo asleo ani tannim tancho koso fuddo kelo?

• Tankam koslim besanvam mell’llim?

• Niemit pioneer seva kelolean tankam Jehovache sevent anik kitem korunk mell’llem?

• Tanchea borea udharonnantlean dusreancher koslo probhav poddlo?