AMCHEM KRISTI JIVIT
Xis Korunk Porgottop ani Xikovop Gorjechem
Jezun aplea pattlavdarank ‘vochon mhoje xis korat’ mhunn adnea dili. (Mt. 28:19) Hantunt, porgottop ani xikovop mellon asa. ‘Porgottchem ani xikounchem kam hanvem anik bore toren koxem korunk zata?,’ ho prosn ami amkanch vicharit ravonk zai.
PORGOTTOP
Lok amche lagim ieuncho mhunn opekxa korche svater ami vochon ‘mannsugechea munxank’ sodhchi goroz asa. (Mt. 10:11) Sevent astana amkam khoim-sorui ani kosle-i lok mellttat tednam, tanchea lagim ulounk ami toiar astat kai? (D.I. 17:17) Apostl Paulu mhenotin vavurlo dekhun Lidia ek xis zaunk pavli.—D.I. 16:13-15.
“Sokallim tujem bim vomp, sanz zata meren vaurpachem thambo naka” (Up. 11:6)
“THAMBONASTANA” PORGOTT KORIT RAVAT—SONDHI MELLTTANA ANI GHOR-GHORAMNIM, HO VIDDEO POLLOIAT ANI TEA UPRANT FUDDLEA PROSNANCHE ZOBAB BOROIAT:
-
Dispottea jivitant, sotachem bim rovunk sodanch toiar aslo mhunn Samuel-an koxem dakhoilem?
-
Ami veg-vegllea torechea porgottnnent kiteak bhag gheunk zai?
-
Tumchea dispottea jivitant, tumi Rajeachi khobor konnank sangonk zata?
XIKOVOP
Xis korchea kamant, lokank fokot prokaxonam diun ailear puro nhoi. Tannim Deva lagim sombond zoddunk zai zalear ami porot bhett ani Bible obheas korchi goroz asa. (1Kor. 3:6-9) Punn, ami mhenotin Rajeachem sot lokank xikounk vavurleant astana-i amkam boro porinnam mellona zalear kitem? (Mt. 13:19-22) Zanchem kalliz ‘bore zomni’ sarkem asa tankam ami sodhit ravonk zai.—Mt. 13:23; D.I. 13:48.
“Hanvem roilem, Apolon ximplem, punn Devan vaddoilem” (1Kor. 3:6)
“THAMBONASTANA” PORGOTT KORIT RAVAT—JAHIR ZAGEAMNIM ANI XIS KORUNK, HO VIDDEO POLLOIAT ANI TEA UPRANT FUDDLEA PROSNANCHE ZOBAB BOROIAT:
-
Solomon ani Mary-in, Ezekiel ani Abigail-achea kallzant aslolem sotachem bim koxem ximplem?
-
Veg-vegllea torechea porgottnnent bhag ghetana zoxem jahir zagear porgott’ttana amcho dhei kitem asonk zai?
-
Dusreank sot xikounchea kamak ami chodd mhotv koso diunk zata?
