Mateva Pormonnem Bori Khobor 1:1-25
1 Hea pustokant Jezu Kristachea* itihasa vixim boroilʼlem asa. To Davidacho put aslo, ani David Abrahamacho put aslo. Jezu hea vonxavollintlo aslo:
2 Abraham Izakacho bapui;Izak Jakobacho bapui;Jakob Judacho ani tachea bhavancho bapui;
3 Juda Perezacho ani Zeracho bapui, tanchi avoi Tamar;Perez Hezronacho bapui;Hezron Ramacho bapui;
4 Ram Aminadabacho bapui;Aminadab Nashonacho bapui;Nashon Salmonacho bapui;
5 Salmon Boazacho bapui, tachi avoi Rahab;Boaz Obedacho bapui, tachi avoi Ruth;Obed Jesecho bapui;
6 Jese David Razacho bapui.David Solomonacho bapui, Solomonachi avoi, poilim Uriasachi bail asli;
7 Solomon Rehoboamacho bapui;Rehoboam Abijacho bapui;Abija Asacho bapui;
8 Asa Jehoshafatacho bapui;Jehoshafat Jehoramacho bapui;Jehoram Uziacho bapui;
9 Uzia Jothamacho bapui;Jotham Ahazacho bapui;Ahaz Hezekiacho bapui;
10 Hezekia Manasecho bapui;Manase Amonacho bapui;Amon Josiacho bapui;
11 Josia Jekonia ani tachea bhavancho bapui. Tea kallar Judevank bondhi korun Babilonant vhelʼle.
12 Babilonant, Jekonia Shealtielacho bapui zalo;Shealtiel Zerubabelacho bapui;
13 Zerubabel Abiudacho bapui;Abiud Eliakimacho bapui;Eliakim Azoracho bapui;
14 Azor Zadokacho bapui;Zadok Akimacho bapui;Akim Eliudacho bapui;
15 Eliud Eleiazaracho bapui;Eleiazar Mathanacho bapui;Mathan Jakobacho bapui;
16 Jakob Juzecho bapui, Juze Mariecho ghov. Tinnem Jezuk zolm dilo, zaka Krist mhunnttat.
17 Abrahama thaun Davida meren 14 pillgeo zaleo; Davida thaun Judevank Babilonant bondhi korun vhele tednam meren 14 pillgeo zaleo; Babilonant bondhi korun vhele tednam thaun Krista meren 14 pillgeo zaleo.
18 Jezu Kristacho zolm oxe toren zalo: Tachi avoi Mariechem Juze lagim kazarachem utor zalʼlem. Punn kazara poilinch Marie ankvar asli tednam povitr xokte udexim ti gorbest zali.
19 Ticho ghov Juze nitivont munis aslo ani Mariechem nanv piddʼddear zalʼlem taka naka aslem. Tor to dusreank kollonastana tika divors* diunk sodhtalo.
20 Punn hea soglea vixim vichar korun to nhidlo tednam taka sopnant Jehovacho* dut dislo. Dutan taka sanglem: “Juze, Davidachea puta, tum Mariek tujea ghora vhoronk* bhienaka, karonn tichea kusveant asa to ballok povitr xokte udexim asa.
21 Marie eka putak zolm ditoli. Tunvem taka Jezu* mhunn nanv dovrunk zai karonn to aplea lokank patkantlean soddoitolo.”
22 Jehovan* aplea provadeam udexim sanglolim utram purnn zaunk lagon hem soglem ghoddlem. Tannem oxem sanglolem:
23 “Polloiat, ek ankvar cheddum gorbest zatolem ani tem eka putak zolm ditolem. Taka Imanuel mhunn nanv dovortole,” zacho orth “Dev Amchea Sangata Asa.”
24 Tednam Juze nhidentlean utthlo ani tannem Jehovachea* dutan sanglolem toxench kelem. To aple bailek ghora gheun ailo.
25 Punn Marien putak zolm dium poriant Juzen tichea lagim kuddicho sombond dovrunk na. Tannem tea bhurgeachem nanv Jezu dovorlem.
Footnotes
^ Vo “Mesiasachea; Makhloleachea.”
^ Judev lokanchea riti pormonnem, kazarachem utor zalea uprant tem moddunk divors gheuncho poddttalo.
^ Matev tem Prokasovnni pustokant Jehova hem nanv 237 pavtti ieta. Tantuntlem hem poilem zaun asa. Mahiti A5 polloi.
^ Vo “Marie lagim kazar zaunk.”
^ Hem nanv Hebrev bhaxent Jeshua vo Joshua hea nanvam sarkem asa, zacho orth “Jehova Taronn Dita.”
