Galería de fotos das obras da sucursal de Filipinas (febreiro de 2014 a maio de 2015)
As Testemuñas de Xehová están construíndo novos edificios e renovando algunhas das instalacións na súa sede de Filipinas, na cidade de Quezón. Debido a que as publicacións para Filipinas agora se imprimen na sucursal do Xapón, utilizaranse as instalacións da antiga imprenta para albergar os departamentos de Deseño e Construción (LDC), Informática, Mantemento, Envíos, e Tradución. Nesta galería de fotos poderás ver algúns dos traballos que se levan feito entre febreiro de 2014 e maio de 2015, tanto na antiga imprenta coma noutros edificios. Está previsto que o proxecto quede rematado en outubro de 2016.
Vista da sucursal de Filipinas. Os edificios e estruturas que se están construíndo ou renovando inclúen:
Edificio 4 (vivendas)
Edificio 5 (Audiovisuais e Servizo)
Edificio 6 (Xardinería, Taller mecánico, Soldadura)
Edificio 7 (Informática, LDC, Mantemento, Envíos, Tradución)
28 de febreiro de 2014. Edificio 7
Traballadores temporais embolsando a fibra de vidro para protexela da humidade. Levan equipos de protección persoal para evitar a irritación da pel.
2 de abril de 2014. Edificio 7
Uns traballadores rematan o teito do estudio de gravación de linguaxe de signos filipina. Nos ocos do teito van instalados os difusores da climatización, grazas ós cales o aire acondicionado distribúese dun xeito uniforme dentro do estudio.
21 de outubro de 2014. Cidade de Quezón
Preparando o sistema de refrixeración da auga que abastecerá a tódolos edificios da sucursal.
19 de decembro de 2014. Pasarela peonil (conecta os edificios 1, 5 e 7)
Estase a construír unha pasarela cuberta que conectará os edificios principais, incluíndo o edificio 1, o cal alberga o comedor. Será especialmente práctica para os máis de trescentos voluntarios que traballarán no edificio 7.
15 de xaneiro de 2015. Edificio 5
Unha grúa de cincuenta toneladas levantando as placas que irán instaladas no tellado. Contratáronse varias grúas de distintos tamaños para a obra.
15 de xaneiro de 2015. Edificio 5A (anexo)
O anexo ten dúas plantas e mide 125 m2. Conta con dous aseos, escaleiras e ascensor; isto deixa máis espazo libre no edificio 5, que está ó lado. Ademais, ó instalar o ascensor nesta área, evítase que o ruído do mesmo interfira nas gravacións en audio e vídeo que se realizan no edificio 5.
15 de xaneiro de 2015. Edificio 5A (anexo)
Protexidos do sol, os traballadores instalan varas de aceiro. Durante o día, en xaneiro acádanse uns 29 oC, e en abril, a temperatura é duns 34 oC.
5 de marzo de 2015. Edificio 5
Unha cuadrilla de traballadores reforza o tellado con vigas de madeira. Para a construción do edificio 5 precisáronse uns oitocentos listóns de madeira maciza.
17 de marzo de 2015. Edificio 5
Mesturando o formigón a man. Entre os que colaboran neste proxecto, hai uns cen irmáns de Australia, Canadá, Corea do Sur, España, Estados Unidos, Francia, Nova Zelandia e Xapón, entre outros.
25 de marzo de 2015. Edificio 5
Instalación do tellado metálico do edificio 5, que anteriormente albergaba o Departamento de Tradución, e destinarase a Audiovisuais e a Servizo.
13 de maio de 2015. Edificio 5
Coa axuda dunha serra circular, unha operaria corta as pezas metálicas coas que se montarán as paredes das oficinas.
Pode que tamén che guste
CONSTRUÍMOS
Galería de fotos das obras da sucursal de Filipinas 2 (xuño de 2015 a xuño de 2016)
As testemuñas de Xehová de Filipinas remataron unha importante reforma da súa sucursal na cidade de Quezón. Mira como foron as obras.
CONSTRUÍMOS
Unha obra de construción sen fronteiras
A unidade do pobo de Xehová supera as fronteiras nacionais, as diferenzas de cultura e a barreira do idioma para construír edificios que honren a Xehová, como Salas de Reunións e outras instalacións.