LECCIÓN 60
Sigue achegándote a Xehová
Neste curso da Biblia aprendiches moito sobre Xehová. As cousas que aprendiches fixeron que o ames tanto que probablemente xa te dedicaches a el e te bautizaches. E se non o fixeches, poida que esteas pensando en facelo pronto. Pero este camiño non acaba no bautismo. Podes seguir achegándote a Xehová para sempre. Como?
1. Por que deberías seguir fortalecendo a túa amizade con Xehová?
Temos que esforzarnos por seguir fortalecendo a nosa amizade con Xehová. Por que? Para que nunca “andemos á deriva” e nos vaiamos apartando del (Hebreos 2:1). Que pode axudarnos a seguir servindo a Xehová fielmente? Podemos manternos ocupados na obra de predicar e buscar outros xeitos de facer máis por Deus (le Filipenses 3:16). Servir a Xehová é o mellor camiño que podes escoller! (Salmo 84:11 [84:10, TNM]).
2. Que máis deberías seguir facendo?
Aínda que este curso da Biblia xa está rematando, a túa vida como cristián segue. A Biblia di que debemos poñernos a nova personalidade (Efesios 4:23, 24). Segundo sigas estudando a Palabra de Deus e indo ás reunións, aprenderás cousas novas sobre Xehová e as súas calidades. Busca maneiras de imitar mellor a súa personalidade na túa vida. Sigue facendo calquera cambio necesario para facer feliz a Xehová.
3. Como che vai axudar Xehová?
A Biblia di de Deus: “El mesmo vos porá en forma, vos volverá firmes, fortes e vos dará estabilidade” (1 Pedro 5:10). Todos afrontamos tentacións. Pero Xehová dános o que necesitamos para resistilas (Salmo 139:23, 24). El promete darche tanto o desexo como as forzas para servilo fielmente (le Filipenses 2:13).
AFONDA MÁIS
Analiza como podes seguir achegándote a Xehová e mira como te vai bendicir.
4. Sigue falando e escoitando o teu mellor Amigo
Orar e estudar a Biblia axudouche a ser amigo de Xehová. Como poden estas cousas facer que te achegues aínda máis a el?
Lede Salmo 62:9 (62:8, TNM) e logo comentade esta pregunta:
-
Para fortalecer a túa amizade con Xehová, como podes mellorar a calidade das túas oracións?
Lede Salmo 1:2 e logo comentade esta pregunta:
-
Para fortalecer a túa amizade con Xehová, como podes sacar máis proveito da túa lectura da Biblia?
Que podes facer para sacar máis proveito do teu estudo persoal? Para ver algunhas ideas, poñede o VÍDEO e logo comentade estas preguntas:
-
Que ideas do vídeo poderías aplicar no teu estudo persoal?
-
Que temas che gustaría estudar?
5. Ponte metas espirituais
Poñerte metas no teu servizo a Xehová axudarache a seguir progresando. Poñede o VÍDEO e logo comentade esta pregunta:
-
Como lle axudou á irmá do vídeo poñerse metas espirituais?
Non todos podemos mudarnos a outro país, pero todos podemos poñernos metas realistas segundo as nosas circunstancias. Lede Proverbios 21:5 e logo pensa en que metas che gustaría poñerte...
-
na congregación.
-
na predicación.
Como pode axudarche este texto a alcanzar as túas metas?
Metas que te poderías poñer
-
Mellora a calidade das túas oracións.
-
Le toda a Biblia.
-
Coñece a tódolos que forman parte da congregación.
-
Empeza e dirixe un curso da Biblia.
-
Sirve como pioneiro auxiliar ou regular.
-
Se es un irmán, esfórzate por chegar a ser servo ministerial.
6. Desfruta da vida para sempre!
Lede Salmo 22:27 (22:26, TNM) e 37:11, 29 e logo comentade esta pregunta:
-
Que podes facer para desfrutar da vida agora e para sempre?
RESUMO
Sigue fortalecendo a túa amizade con Xehová e poñéndote metas espirituais. Dese xeito poderás desfrutar da vida para sempre!
Repaso
-
Por que podes estar seguro de que Xehová che axudará a servilo fielmente?
-
Como podes fortalecer a túa amizade con Xehová?
-
Como poden axudarche as metas espirituais a facer máis por Xehová?
INVESTIGA
Que valora máis Xehová? Que fagamos un gran xesto de adoración ou que nos manteñamos leais durante toda a vida?
Incluso un servo fiel de Xehová pode perder a alegría. Mira como recuperala.
Que podes facer para poñerte metas espirituais e alcanzalas?
“Ponte metas espirituais para darlle honra ó teu Creador” (La Atalaya, 15 xullo 2004)
Por que é imprescindible ser maduro en sentido espiritual? Como podes conseguilo?
“Avanza cara á madurez, ‘está cerca o grande día do Señor’” (La Atalaya, 15 maio 2009)
Pode que tamén che guste
PREGUNTAS FRECUENTES
Como son os cursos da Biblia que ofrecen as testemuñas de Xehová?
Co curso da Biblia interactivo e gratuíto das testemuñas de Xehová, poderás usar calquera tradución da Biblia e invitar a calquera familiar ou amigo que desexes.
