LECCIÓN 34
Como podemos demostrar o noso amor por Xehová?
Notaches que te achegaches máis a Deus dende que empezaches a estudar a Biblia? Gustaríache facerte máis amigo del? Recorda que Xehová ve canto lle queres. Así que canto máis medre o teu amor por el, máis te quererá e máis se preocupará por ti. Como podes demostrarlle o teu amor?
1. Como lle demostramos a Xehová o noso amor?
Demostramos o noso amor por Xehová cando o obedecemos (le 1 Xoán 5:3). El non obriga a ninguén a obedecelo. Máis ben, dános a cada un de nós a oportunidade de escoller se queremos obedecelo ou non. Por que? Porque Xehová quere que o obedezamos “de corazón” (Romanos 6:17). Noutras palabras, el quere que o obedezas non porque teñas que facelo, senón porque lle queres moito. As seccións 3 e 4 deste libro están pensadas para axudarche a demostrar o teu amor por Xehová facendo o que lle agrada e evitando o que lle desagrada.
2. Por que pode ser difícil demostrar o noso amor por Xehová?
“Moitos son os males dos xustos” (Salmo 34:20 [34:19, TNM]). Todos temos que loitar contra as nosas imperfeccións. E poida que tamén teñamos que afrontar problemas económicos, inxustizas e outras dificultades. Cando pasamos por problemas pode que non nos sexa fácil facer o que Xehová nos pide. Isto é así porque desobedecer a Xehová é o camiño máis fácil. Pero cando fas o que Xehová che di, demóstraslle que lle queres máis a el que a calquera outra cousa. Tamén demostras que lle es leal. A cambio, el será leal contigo. Xehová prométeche: “Non te deixarei nin te desampararei” (Hebreos 13:5).
AFONDA MÁIS
Analiza por que fai feliz a Xehová que lle sexas obediente e que che pode axudar a seguir sendo leal.
3. Unha acusación que te inclúe a ti
No libro bíblico de Xob lemos que Satanás lanzou unha acusación non só contra un home chamado Xob, senón tamén contra tódalas persoas que queren servir a Xehová. Lede Xob 1:1, 6–2:10 e logo comentade estas preguntas:
-
Segundo dixo Satanás, por que obedecía Xob a Xehová? (Ver Xob 1:9-11).
-
De que acusou Satanás a tódolos humanos, incluído a ti? (Ver Xob 2:4).
Lede Xob 27:5b e logo comentade esta pregunta:
-
Como demostrou Xob que de verdade amaba a Xehová?
Xob demostrou o seu amor por Xehová manténdose leal a el
Nós tamén demostramos o noso amor por Xehová manténdonos leais a el
4. Fai feliz a Xehová
Lede Proverbios 27:11 e logo comentade estas preguntas:
-
Como se sente Xehová cando es sabio e o obedeces? Por que?
5. Ti tamén podes ser leal a Xehová
O amor que sentimos por Xehová impúlsanos a falar del a outras persoas. E a nosa lealdade impúlsanos a facelo incluso cando non é fácil. Poñede o VÍDEO e logo comentade estas preguntas:
-
Fáiseche difícil falarlles a outros de Xehová?
-
Que lle axudou a Grayson a superar os seus medos?
É máis fácil serlle leal a Xehová cando amamos o que el ama e odiamos o que el odia. Lede Salmo 97:10 e logo comentade estas preguntas:
-
Polo que levas aprendido ata agora, cales son algunhas das cousas que Xehová ama? E cales son algunhas das que odia?
-
Como podes aprender a amar o que é bo e odiar o que é malo?
6. Obedecer a Xehová benefícianos
Obedecer a Xehová sempre é a mellor opción. Lede Isaías 48:17, 18 e logo comentade estas preguntas:
-
Cres que podemos confiar en que Xehová sempre sabe que é o mellor para nós? Por que?
-
Como te beneficiou ata agora estudar a Biblia e coñecer a Xehová, o Deus verdadeiro?
HAI QUEN DI: “A Deus non lle importa o que eu faga”.
-
Que texto usarías para demostrar que a Xehová si que lle afecta o que facemos?
RESUMO
Podes demostrar que amas a Xehová obedecéndoo e séndolle leal a pesar dos problemas.
Repaso
-
Que aprendiches do exemplo de Xob?
-
Que farás para demostrar o teu amor por Xehová?
-
Que che vai axudar a seguir sendo leal a Xehová?
INVESTIGA
Descubre como podes ser leal a Xehová e á congregación.
Aprende máis sobre a acusación que lanzou Satanás contra os humanos.
“Xob mantén a súa integridade” (La Biblia y su mensaje, sección 6)
Mira como tamén os máis novos poden demostrar o seu amor por Xehová.
Como pode un rapaz manterse leal a Xehová cando outros lle insisten para facer algo que está mal?
Pode que tamén che guste
PREGUNTAS FRECUENTES
Como son os cursos da Biblia que ofrecen as testemuñas de Xehová?
Co curso da Biblia interactivo e gratuíto das testemuñas de Xehová, poderás usar calquera tradución da Biblia e invitar a calquera familiar ou amigo que desexes.
