ƝAAKWƐLƐI 06
Yɛnɛɛ ə gɔwɔtɔɔ ləi ?
Yálá “ pɔ pələ ɓə yɛnɛɛ nwun gulɔi kaa laa ” (Maatɛnɛ 36:10 [36:9, NWT]). Ə́ laa tii na ? Nutaɠaa da kɛ kɛi ma yɛnɛɛ ə kulɔ gbɔɔ ɓa. Akɛ yili kaa a teɲa, yili mukulaa ɓaa nukanŋaa diɛ kpɛliman di kulɔ di kpɔɔ ɓa. Kɛlɛɛ akɛ Zehova Yálá ɓə yɛnɛɛ pɛli, maanɛɛ gu wɔ yɛnɛɛ nwun gbɔkpɔ ə kɛ ma. a Yii Biblə a mo yɛ hwilɛn na yɛnɛɛ kɔwɔtɔɔ pələ ɓa gaa, ə lɛɛ gaa nwɔnɔ akɛ yii Biblə a mo maanɛɛ gu laana.
1. Yələkɔlɔn da lɔi di kulɔ pələ kɛ ləi ?
Biblə kaa kɛi ma : “ Yálá ə gbɛa tɔlɔɔ yələkɔlɔn da lɔi di pɛli ” (Gɔwɔtɔɔi 1:1). Yɛnɛɛ hukulaa lakwəli kɛ nua mɔlɔɓəlaa hwaa ma diɛ ma yɛnɛɛ kɔwɔ ə tɔɔ. Yálá ə yɛnɛɛ pɛli ləi ? Yálá ə tɛɛ ŋɔ “ Nii ” kɔwɔi yai a vaŋa yii kóló kɛi yɛ pɛli yələkɔlɔn da ɉu hɛnŋaa kəlee pɛlii ə ma kɛ lɔi. (Gɔwɔtɔɔi 1:2).
2. Lə mɛni ɓa Yálá ə lɔi pɛli ?
Zehova ‘ ho lɔi pɛli kpɛli-kpɛli mɛni ɓa, kəlaa ə bɛli ə gɛ nua di kɛ mɛi ’ (Esai 45:18). Ə lɔi pɛli yii yaan nukanŋaa diɛ pɛli yiipoo hɔlɔɓoi mɛi da yɛnɛɛ ɲaanɛɛ (Esai 40:28 ; 42:5 ɓo). Lakwəli kɛnɛ kɛ nua daa gaa diɛ ma lɔi da yələkɔlɔn ɉu hɛnŋaa da kɛ laa, lɔi kpɔ ɓə gaa a dee, maahɔlɔɓo lɔi mɛi ɓə mɛni kəlee ɲaapɛliɛ laa yii yaan nukanŋaa diɛ pɛli yɛnɛɛ kɛi.
3. Lə ɓə a nukanŋaa da huwɔɠaa di kulɔbɔ kɛ ?
Zehova kpɛɛ a lɔi kpɛtɛɛ, ə nɔɔn-nɔɔn ɉɛnŋaa kpɛtɛ mɛi. Ə gbea toloo lɔi mɛi laahwɛɛ a wuluɠaa da huwɔɠaa. Yili pulu “ Yálá ə nu kpɛtɛ Yálá kpinii maaninin ɉu ” (Gɔwɔtɔɔi 1:27 ɓo). Lə ɓə a nukanŋaa kulɔbɔ kɛ ? Yii a nukanŋaa kulɔbɔ kɛ, ya ɓaa Yálá ə gu kpɛtɛ maaninin ɉu. Yili mukulaa ɓaa gwa pɛli gu wɛlikɛmaalaa lɛ ə lɛɛ gu mɛni haŋaa kɛ yɛ pələi lɔ Yálá a gɛ la. Gwa pɛli nwɔnɔ híín-wooɠaa maakwɛlii, gwa hɛnŋaa lɛlɛɛɠaa kaa nwɛli yɛ pɛli too guɔ, ə lɛɛ gwa wələwooɠaa mɛn nwɛli ə too guɔ. Ə lɛɛ gu wɛi gwa pɛli gu gu pɛlimun ɓatoo. Yili kaa a mɛni yii huwɔɠaa di hwa pɛli ma.
Ə́ WƆ MƐNIKƆLƆNŊAA TA PƐLƐ MA
Gaa yii a nɛ yɛ ma Yálá ɓə yɛnɛɛ kpɛtɛ. Ə lɛɛ lə mɛni ɓa yii Biblə a mo yɛ hwilɛn na yɛnɛɛ kpɛtɛ mɛni ɓa, maanɛɛ gu laana. Duwɔpələlɛlɛɠaa gaa nukanŋaa yee pɔ, gaa yii a nɛ guɔ yɛ hwilɛn na Yálá ɓa.
4. Yálá ɓə yɛnɛɛ kpɛtɛ
Nuta a ɲɛi hee Yálá pɛli hɛnŋaa diɛ ə bɔɔkɔɔn gbɛtɛ, da yili ŋɔ maawiɛlaa tɛɛ bɔ. Nui neeleeɠaa kpɛtɛ yaan ? VIDIO kaa, ə lɛɛ ka lono kɛ gɛɛmaalən ŋɛi mɛi.
-
Yálá kpɛtɛ hɛnŋaa ləkɛɛ ɓə nukanŋaa daa pɛli bɔɔkɔɔn gɛi ?
Pɛlɛ lɔpee gəlee nu ɓə a dɔɔ. Yili ɓa gbɛɛ ɓə yɛnɛɛ hɛnŋaa kəlee pɛli ? Hebreu 3:4 ɓo, ə lɛɛ ka lono kɛ gɛɛmaalənŋaa ŋɛi mɛi :
-
Yálá ŋɔ pɛli hɛnŋaa nɛlɛɠaa kpɔ ɓə da ə́ lii muhəɠə ?
-
Ə́ wɔ kili ɓa gwa pɛli gu laana guɔ ma nuta ɓə yələkɔlɔn da lɔi ə ma kɛ ɉu hɛnŋaa kəlee pɛli ? Lə mɛni ɓa ?
Ə́ kili kaa ɉu ?
Mɛnii ŋɛi gu kaa moi bɛ, ya pɛli ə́ hɛɓɛɠaa kaa yɛ hwilɛn na ma da vidioɠaa gwɛli yɛli ɓa, ɓɛi ŋɛi gaa laa “ Hasard ou conception ” da « Points de vue sur l’origine de la vie. »
“ Pɛlɛ lɔpee gəlee dɔɔ mun gaa ma, ə lɛɛ hɛn gəlee pɛlimun ɓaa a Yálá. ”
5 Pələi Biblə a yɛnɛɛ kpɛtɛ mɛni ɓo la, gaa a teɲa
Gɔwɔtɔɔ hɛɓɛ ɲaakwɛlɛi 1 hu, bələi yɛnɛɛ ə gɔwɔtɔɔ la, Biblə a yili hu kulɔ. Mɛnii tii Biblə ə mo ə́ laana awala kɛtii gaa ə́ ɲɛi mu yɛ kwələn ? VIDIO kaa, ə lɛɛ ka lono kɛ gɛɛmaalənŋaa ŋɛi mɛi.
-
Biblə a mɔɔn kɛ ma di lɔi da yɛnɛɛ di kpɛtɛ a holo mɛida ?
-
Yii Biblə a mo yɛ hwilɛn na yɛnɛɛ kpɛtɛ mɛni ɓa, ə́ wɔ kili ɓa ɓɛliɛ ɉu ? Ə lɛɛ ya pɛli ə́ laana ? Lə mɛni ɓa ə́ kaa kɛi ma kpaa, awala kɛtii lə mɛni ɓa ə́ kaa kɛi ma ee ?
Gɔwɔtɔɔi 1:1 ɓo, ə lɛɛ ka lono kɛ gɛɛmaalən ŋɛi mɛi :
-
Yɛnɛɛ hukulaa lakwəli kɛ nua da yələkɔlɔn da lɔi di kɔwɔtɔɔ mɛni ɓo. Yii ŋɛi kpɔlɔɔ yaa galan Biblə hu yili hwilɛnŋaa ləi di wɛi tii ɓa ?
Nutaɠaa da kɛ di kiliŋahiɛi akɛ Yálá ho gbea nii nɔɔn-nɔɔn ɉɛn logolo ta pɛli ə nɛɛ laa yili ə maapənə. Gɔwɔtɔɔi 1:21, 25, 27 ɓo, ə lɛɛ ka lono kɛ gɛɛmaalənŋaa ŋɛi mɛi :
-
Biblə a mɔɔn kɛ ma Yálá ə nɔɔn-nɔɔn ɉɛn logolo ta pɛli ə nɛɛ laa yili ə maapənə a hɔwɔlee, a huwɔɠaa ə lɛɛ a nukanŋaa ? Awala kɛtii Biblə a mɔɔn kɛ ma ə nɔɔn-nɔɔn ɉɛn huwu lɔpee “ gəlee ” pɛli ?
6. Nukanŋaa kaa a Yálá kpɛtɛ hɛnŋaa yii veelɛ ho ma
Bələi Yálá ə nukanŋaa pɛli la bələ hwəi ə huwɔɠaa pɛli la. Gɔwɔtɔɔi 1:26 ɓo, ə lɛɛ ka lono kɛ gɛɛmaalən ŋɛi mɛi :
-
Yálá ə gu pɛli maaninin ɉu, yili ɓə a gɛ guɔ pɛli wɛlikɛmaalaa lɛi da ɲɛimaawɛlikaa. Lə ɓə yili a nɛ, yɛ hwilɛn na Yálá túwɔ́ pələɠaa ɓa ?
NUTAƓAA DA KƐ KƐI MA : “ Mɛnii Biblə a mo yɛ hwilɛn na yɛnɛɛ kpɛtɛ mɛni ɓa gaa a kwələn. ”
-
Yáán ə́ kaa kɛi lə ? Lə mɛni ɓa ?
YII GU GALAN
Zehova ə yələkɔlɔn da lɔi di pɛli ə ma kɛ nɔɔn-nɔɔn ɉɛnŋaa kəlee.
Nɛɛ ə́ kili pɔ
-
Lə ɓə Biblə a mo yɛ hwilɛn na yələkɔlɔn da lɔi di kɔwɔtɔɔ pələ ɓa ?
-
Yálá ə nɔɔn-nɔɔn ɉɛn logolo ta pɛli ə nɛɛ laa yili ə maapənə a nɔɔn-nɔɔn ɉɛn ɉuwu lɔpee gwa gaa háákələi, awala kɛtii Yálá ɓə nɔɔn-nɔɔn ɉɛn huwu lɔpee gəlee pɛli ?
-
Lə mɛni ɓa nukanŋaa kaa a Yálá pɛli hɛnŋaa yii veelɛ ho ma ?
MƐNI TAKPƐLIƓAA
Kɔɔmaaɠaa kaa yii a nɛ yɛ ma yələkɔlɔn ɉu hɛnŋaa kəlee da lɔi mɛi hu hɛnŋaa kəlee kpɛtɛmun gaa laa.
“ Hɛnŋaa lɔi mɛi da hɛnŋaa yələkɔlɔn ɉu, lə ɓə da galan guɔ ? ” (Réveillez-vous ! septembre 2006)
Pələi Biblə a yɛnɛɛ kpɛtɛ mɛni hukulɔ la, gaa pələi longaanan da kaa ɉukulɔi la non ma.
Gaa akɛ huwɔɠaa maapənə mɛni diɛ kɛ a nukan da Biblə hu woo da li gee pɔ.
Gaa akɛ hɛn bɔlɔɠaa wɔlɔ lɛɛ, da yɛnɛɛ hukulaa lakwəli da nɛ akɛ Yálá ɓə yɛnɛɛ pɛli, awala kɛtii hɛnŋaa di kulɔ lɔ tii di kpɔɔ ɓa.
Pələi yɛnɛɛ ə gɔwɔtɔɔ la : Kɛɛmaalən lɔɔli yii maanɛɛ gu gɛ gu kpɔɔ ɓa (brochurə)
a Yii Yálá kaa bɔ ə gɛ nukanŋaa diɛ ɉukulaa kpɔ a nɛlɛɛ ɲaakwɛlɛi 25 hu.
