1. Naanii lèèmaà beléè Bàrì;

Sẹlẹ-i log bẹẹ Bàrì.

Ó gá zìgà kọọ̀ gbò moǹ bel kẹ̀lẹ̀,

Á tú ni lọ̀l nvéè Bà-rì.

Gbàntṍ ló Bàrì vaá tõo ẽ́ kẽ;

Bọ́ló dẹ̀lẹ̀ nyíé boo.

Jìhóvà é gbóó tõo ní ló

Vaá tú ni naamá A nvín.

2. Naanii lèèmaà beléè Bàrì;

Tõoníí dùm e a di káí.

Gbò nú e a bọ́ló vaá dú kà kà;

Dẹlẹ nyíé boo gbó níí lee.

Kọ̀láá bé ẹ̀bmà bọọ́ ní boo naa,

Bàrì é né ni kpóó,

Vaá naa kọọ̀ ó láá bé èl bá,

O Bàrì é dú o kóò.

3. Naanii lèèmaà beléè Bàrì;

Tú ẹ́ẹ́ nyíe fã̀àmà Bàrì.

Tú zààva ọlmá sọ́l nè Jìhóvà

Boo béè gbò A lé dõ̀ònù.

Ẹ̀bmà dẽè A lé tã́áná dee bá;

Dì nè Bàrì buù dee.

Kọ̀láá gbò nen é gbóó nyimá

Kọ Jìhóvà vulè ni.