1. À dú nuù ẹ́ẹ́ nyíé nè beéle

Kọ bẹẹ Tẹ̀ e a tõó kà gbàn deè,

Kilmà lóó kẽ vaá kol beéle

Kọ é dù gé kyãa boo A èèlè.

Jìhóvà, Tẹ̀ sàn nè vulè;

Tó sàn beele, e kìl kẽ.

Boo béè vó, è neè béèlàfùl

Ge fã̀ Bẹẹ Bàrì dọ̀ dè-dè.

2. Beléè tṍó-í dú tṍó tã̀àgã̀,

Pọ́lọ́ Nyómá bé gbò nvín Bàrì.

À gbĩ́ kọọ̀ pọ̀ nè bíígá ló

Á òòmà-í kẽ lọl nvéè Bàrì.

Sõò è dẹlẹ̀ nyíé boo bẹẹ Tẹ̀;

È nyímà kọọ̀ A kpènà

Gé tõo-í ló mm̀ bẹẹ ẹ̀bmà.

Bẹẹ Bàrì dú lé neǹ kpènà.

3. Bàrì náa kọ é tõo àgà

Vaá buma-i mm̀ A bõ̀ònatõ̀ò.

A Nyómá Káí nè A Moǹ Bel,

Nveè-i kpóó ló vaá dĩiné-i ló.

Bẹẹ Bàrì gbantṍ, dã́-i mon,

Tṍó e kọọ̀ bẹẹ tã̀àgã̀ nèe.

Naa nii mè néé aa nvéè bẹẹ Tẹ̀

Vaá gbànee tṍ ló dénè dee.