“Dìtõ̀ò gbò nen beeá ló bàlà booí di kèbá gẹẹ-gẹẹ ló,” níà bé e nen ea di togó World Bank Group kọ́ naá mm̀ a kpẹ̀a ní June 2022 e. “Ki dì ea gé kpáá palàge dọ ló kọ̀láá kà nu, vaá níà bé e kpègè ea di bá gbò nen gé kilsĩ́ gè dú ńkem naa ẽ́.”

 Bõ̀ònaló ea kọlà International Monetary Fund kọ́ọ̀ “Kiì fuel nè gyã́á dì ea gé ólòó dọ ló mm̀ gbala-gbala, vaá naa kọọ̀ nu á kpáá palàge tàvala ló gbò e bà di gbò dó e ba dìtõ̀ò kil kẽ.”

 Kpá Káí nveè bá nèi kọ é láá dã́ ból ló nú ea náa è gé téní bá íb gbò tàvàlà dìtõ̀òí, nè bé eé láá ĩ̀ìma kèbá naa, nè ból dẽesĩ́ e íè kọọ̀ gbò dìtõ̀òí náa é beè kpáá dìnà tṍó tóm.

•   Kpá Káí kólí tṍó e dìí kolíe “gbò deé e tṍó é gé tà.”​—2 Tímotì 3:1.

•   Jíízọ̀s beè kọọ̀ “gbele-gbele nu pọ̀,” àbèè gbò nú ea é náa kọọ̀ lóó nen á kení é nááá mm̀ gbò tṍóí. (Lúùk 21:11) Pọ̀ ólò sii gbò nen tṍó ki bọọgẹ̀ dọ ló nu. Gbò nen ólò ié tã̀àgã̀ bùlà ea kil ló ba dì deèsĩ́, vaá bùlà be bàé láá neè gé gyã́á pá ba tọ.

•   Kpá Kùùà Nù beè gbẹẹ́ sĩ́ kọọ̀ ki é dọ́ ló nu mm̀ gbò tṍó e dìí. À kọ́ọ̀ “M beè dã́ nu ea belí mon ea silà . . . vaá kọ, “Kpègè tóm dee á tá ló tẽ̀ènè do ọ̀lọ́s, vaá kpègè tóm dee á tá ló kóló taà doò kpá kyàlà.’ ”​—Kùùà Nù 6:6.

 Kọbé ò nyímá gã́bug nú ea kil ló “gbò deé e tṍó é gé tà” nè gbò kọ́ọ̀ bùlà Bàrì ea di mm̀ kpá Kùùà Nù, ẹ̀b vídiò ea kọlà Dìtõ̀ò Bàlà Booí A Nyááá Lọ̀l Gé Gbáá 1914 vaá ò bugi togó bel ea kọ́ọ̀ “Ténì Nen E Bà Di Boo Nom̀ Teeá Tõó Dọ̀ Éé?”

•   “Bàé tibgi tọ vaá bà tõó m, vaá bàé kil ól vã́ìn vaá dé ból ea dú bèè. Bà náa é tib tọ vaá dõòna nèn tõó m, àbèè kọọ̀ bà fó nu vaá dõòna gbò dé.”​—Àìzáíà 65:​21, 22.

•   “Gã́bug súú súú gyã́á é ḿḿ-má boo kunukẽ̀í; Àé ḿḿ-má boo gbò gù vaá èèà.”​—Psalm 72:16.

•   Jìhóvà kọ́ọ̀ “ ‘Boo béè bíígá ló e gbò e bà kil kẽ gé téní bá, boo béè píòlà túu e gbò tãa gé píólá, nda é aa kẽ labví láb.’ ”​—Psalm 12:5. a

 Bàrì é beè gé nvèè kùbmà ló kọ̀láá kà tàvàlà dìtõ̀ò, náa é nveè kùbmà ló níí áá ene kà dó, sõò àé nveè kùbmà ló beeá ló zivèkà bàlà booí. Mósĩ́ deè ní ea é náámá vó é, bugi togó bel ea kọ́ọ̀ “É Kọ Àé Válí Kọọ̀ Dénè Nen É Láá Ié Nu Gè Tõ̀òma Dùm?”

 Sõò bã̀àna kátogóí, Kpá Káí é láá nvèè bá nè ni kọ ó ĩ̀ìma kèbá ge kọọ̀ ki dì ea gé kpáá palàge dọ ló nu. Mósĩ́ deè e? À fáálá gbò dùùlà bá deè tṍ ea kil ló bé eé lá tú kpègè siimá tóm mm̀ nyìmànù naa. (Próvẹẹ̀b 23:​4, 5; Ẹ̀klìzíástìs 7:12) Kọbé ò kpáá nó bọ̀ọ̀vẹ̀, bugi gbò togó bel ea kọ́ọ̀ “Kpènà Nú Ea Ólò Naa Kọ Ó Ié Nu Gè Tõ̀òma Dùm” nè “Sĩ́deè Ge Láá Tú Ńkem̀ Nu Tõ̀òma Dùm.”