É kọọ̀ à ólò leemá ni gè tú gbò vídiò nè gbò bíb gè dãamá bùlà nen ea di mm̀ kpá ea kọlà Dé Kpéè Ló Dùm Dọ̀ọ̀mà Dè-dè! siimá tóm? Vaá èé kọ́ vàẹ kilma ló kpò ea kọ́ọ̀ “Sìgà Gbò Kọ́ọ̀,” “Nú Eo Sẹẹ̀a Sĩ́,” nè “Kpáá Gbĩ́ Tẽ́ Ló” é? Mókà dõòna kà gá ea di ló kpáí ní ea é nveè bá nè ni tṍó eo gé nóòmà Kpá Káí nen ẽ́?​—⁠Máát. 28:​19, 20.

Gbò Kpá Nè Vídiò: Be ò gé nóòmà kpáí nen tení dú ló ní e ba beè naa príǹt, mósĩ́ deè ní eo é láá ié gbò vídiò nè dõòna kà gbò nu ea di m tẽ̀ènè ketõ̀ò ẽ? Mm̀ kpáí, ní ea di boo fóòn àbèè boo kòmpútà, sà enè kpò ea di zẹ̀ẹ̀ ténì kpò ea di mm̀ kpáí. Kè kẽè gbò nu gè nò, òé mon gbò kpá nè vídiò ea kil ló buù kpò. (Ẹ̀b 1 fùtó.)

Bé eo é tú “Printed Edition” siimá tóm naa: Be ò gé nóòmà nen tení dú ló ní ea di boo fóòn àbèè kòmpútà, òó láá ié bélè lọl ló gè tú “Printed Edition” ea di ló siimá tóm sìgà tṍó, tṍó eo gé nóòmà nu. Tṍó eo ni kuulà kiẽ́e eo é nói, naa klíìk boo taà kà dọ́ọ̀t ea di gbàn deè boo bálè, vaá ò náa klíìk boo “Printed Edition.” Bé e bà náa naa é nveè bá nè ni kọ ó dã́tẽ́ ló zivè kà nú e togó belá gé kọ́. Bé ò gbĩ́ gè òòa kẽ kil boo digital edition, naa klíìk boo taà kà dọ́ọ̀tá vaá ò náa klíìk “Digital Edition.”

“É Kọọ̀ M̀ḿ Gbóó Láá?”: Gbò ńkpó ea di kuló dee-deè nveè kpáí kọ́ gbò kpãa e nen é sim tulà bésĩ́ nen kálá zọ̀ bõ̀ònatõ̀ò kọ́ kpẹ̀a nè ge dììa múú. (Ẹ̀b 2 fùtó.)

Gbò Émì Nu Ea Di Dee Deè Nvéè Kpáí: Gbò émí núí ólò kpáá baatẽ́ nú ea kil ló gbò togó bel ea palàge dú bíi. Ní ea di boo fóòn àbèè kòmpútá íé líǹk ea é fáálá ni kilma mm̀ kpò eo géè nóíá. (Ẹ̀b 2 fùtó.)