“Olòó logai báí. Õonai bọọ tọ. Kpalii bọọ kètọ. Olòó eelai bọọ kpákẽ.” Gã́bug tẹ̀ nè kà ólò noòmà ba gbò nvín bé e bàé dí õ̀òa ló mm̀ nom̀ kpáló naa. Kọ̀láá bé ea dì naa, gbò nòòkúu ea bẹl gè di õ̀òa aa bá bẹẹ Bàrì ea di káí. (Ẹ́xọ 30:18-20; Dìt. 23:14; 2 Kọ́r. 7:1) Tṍó e náà kọ bẹẹ nom̀ kpáló nè gbò nú e íè á di õ̀òa, è nveè ka ló Jìhóvà. (1 Pít. 1:14-16) Vaá èé sẹlẹ bẹẹ be nè kiẽ́e e tõònì naa vàẹ? Gbò nyòòne nvéè Kráíst náa ólò belí gbò e bà ólò tú kpákẽ èèlagi boo èèlè nè kiẽ́e gbò nen ólò tõo bṍséi, tãa vó, bà ólò pììga boo gè naa kọọ̀ kiẽ́e e bà dì á di õ̀òa. (Ps. 115:16; Kùùà 11:18) Kọbèè kilma ló ńkem̀ nu, dì belí bá e sẹẹmà kpá ea dú ló ńsuíìt e dáà, ńtíì e ṍò míí lọl m àbèè ńchìn góm̀ e táà lọ̀l, gé láá tẹlẹ bàlà kẽè bẹẹ láb kilma ló gè di õ̀òa. Mm̀ kọ̀láá kà nú e gé náa, è gbĩ́ì ge zogè kọọ̀ “beele gbò e gé sí tóm nè Bàrì.”—2 Kọ́r. 6:3, 4.

Ẹ̀B VÍDIÒ EA KỌLÀ BÀRÌ ÓLÒ VÙLÈ GBÒ E BÀ DI Õ̀ÒA, VAÁ Ò GBÓÓ AALÁ NA GBÒ BÍBVÍ:

• Éé ní e sìgà gbò é láá gbá ból kọ níà nú ea náa vaá bà náa náa kọọ̀ gbò nú e bà íèè á di õ̀òa ẽ́?

• Mósĩ́ deè ní e Log Mózìs zógè bé e Jìhóvà ẹb gè di õ̀òa naa ẽ́?

• Mósĩ́ deè ní eé láá lèèlà Jìhóvà boo tṍó e bè née lóò tọ́ọ̀ bel é?