4:16-18

Zẹ́ẹ́ na doomà dẽe ló bàà kà pá tọ e bà di mm̀ tẽ̀ènè íb gbóo-gbóò tọ. Nyíè pá nakà tọá gé palàge bììlà. Boo tṍó e nyíè pá nakà tọá gé ẹ́ẹ. Ló ẹ́ẹ́? Nyíè pá nakà tọ ẹ́ẹ boo béè kọ bàé gé kilìè mm̀ ãa be póì ńkem̀ dee.

Náa kal ló béè kọọ̀, “tẹlẹ̀ kátogóí, dénè gbò nu e Bàrì beè dèm dì e bà gé num,” gbò gyóòlo Bàrì íe ból dẽesĩ́ ea agẹ́lẹ́ va ló. (Róm̀ 8:22) È nyímà kọọ̀ gbò tã̀àgã̀ e di bá kátogóí, nè ní ea ni tãagẽ́í gã́bug gbáá náa é di lee, tṍó e túù doolé ló dùm e bè náa tá e Bàrì é néi mm̀ ãa bàlà booá. Ge mm-mè nyíé boo gbò tã́áná dee bá e ẹẹ Boǹ Ménéá é dómá é náa kọ é ié zààvà vaá naa kọ lóói á gá ọọ.