Mm̀ September, èé tú kà agẹbá siimá tóm kọbé è láá dààmà togó nò Kpá Káí ló kọ̀láá gbò e kọ́ọ̀ kpẹ̀a nè, tení dú ló bróshọ̀ ea kọlà Dé Kpéè Ló Dùm Dọ̀ọ̀mà Dè-dè! Pá vígà é láá sà ge nè 30 ávà. Mósĩ́ deè ní eé láá dõ̀ònà tõ̀ò ló nakà kele íb vèènùí ẽ́?

• Túá Dee Eo Ínà Ló Nen: Tú nvéè kóó bróshọ̀í siimá tóm gè naa kọ nen á ié lèèmá m, vaá ò piìga boo gè zogèe bé e ólò zọ̀ gbò nen noá Kpá Káí naa. Tú gbò e ba beè ié lèèma m sẹ̀ẹ̀a bùlà, bií ló gbò eo é òòà sì gé kãa. Kọbèè à gá náa bà náa beè zìgà ge zọ̀ ni noá Kpá Káí tṍó ea kil nvéeá, bàé láá ié lèèma ló nakà ãa sĩ́deè ge noomá Kpá Káíí nè nakà bróshọ̀í. Á gá dú gè tú bróshọ̀í gbẹẹ́ nùtọọ̀ gbò e bàá gé tọ àbèè ge nvee gbàà kpá lẹ̀ẹ̀la tóm lẹ̀ẹ̀là má gbò e bà gáà zẹẹ ié lèèma ló gè nó Kpá Káí. Service Committee buù kà bõ̀ònatõ̀ò é láá noo dõòna kà gbò bila ló bel gè kọọmá kpẹ̀a ẽ́á.

• Dõòna Kà Gbò Nèà Deè: Be bọọ bõ̀ònatõ̀ò ólò tú nu gè lẹ́ kpá m kọọmá kpẹ̀a, tú bróshọ̀ ea kọlà Dé Kpéè Ló Dùm Dọ̀ọ̀mà Dè-dè! lẹ́ m. Kọ́ nè gbò e bà íe lèèmá mm̀ bróshọ̀í kọ òó dúè gé zọẹ̀ va noàè Kpá Káí e bà náa é kpẽ́ kpègè ló. Gbẹá boo zogèe ńkem̀ nu dòòmà bá bé e ólò zọ̀ gbò nen noá Kpá Káí naa, àbèè ò noo gè naa vó dõòna tṍó. Nen ea ólò ẹ̀b nú ea kuu sìtóm kọ̀ kpẹ̀a é láá noo kọọ̀ gbò kọ̀ kpẹ̀a e togó va ni tulà nu á sí gbò kiẽ́e e bà ólò tõo ùlà ki gé dààmà togó nò Kpá Káí. Òó láá dààmà nàgé togó nò Kpá Káí ló gbò eo ólò gbái siai tóm àbèè gbò eo kọ́ọ̀ kpẹ̀a nè tṍó e nóo beè noo.

Jíízọ̀s beè lẹ̀ẹ̀lài kọ é ‘naa kọọ̀ gbò nen á nyoonìèe nvée,’ vaá ‘noòmà va nu.’ (Máát. 28:19, 20) È ẹbmà dẽe kọọ̀ nakà kele íb nòònùí é náa kọ é láá teá tùlà nakà nu sẹ̀ẹ̀a sĩ́í, tení dú ló gè tú kpá ea kọlà Dé Kpéè Ló Dùm Dọ̀ọ̀mà Dè-dè! siimá tóm.