Jìhóvà ólò nvèè ni ka ló. (Àìz. 43:4) A beè dũ̀ùnà ni nvea ló nè a bõ̀ònatõ̀ò. Gè kọọ̀ o beè kìn lóó nè vaá dììa múú náa kọ ó dì nè Jìhóvà. Àé ẹb nú ea kil ní ló belí a kele íb ìènù, bã̀àna tṍó eo kpeèsĩ́ ló tàvàlà dìtõ̀ò. Àé íe vulè ea kyãa mm̀ bọ́ọ̀ló dẹ̀lẹ̀ nyíé boo kilmà ní ló tení dú ló a bõ̀ònatõ̀ò.​—Ps. 25:10.

Èé láá bọ̀ọ̀vẹ̀ bẹẹ zààvà kilmà ló vulè Jìhóvà ea kyãa mm̀ bọ́ọ̀ló dẹ̀lẹ̀ nyíé boo tení dú ló gè ẹ̀b bé ea bõ̀ònatõ̀ò gé nveè bá nè gbò e búù ló kyọ̀àsĩ́ nu ã́àa naaá ló naa.

Ẹ̀B VÍDIÒ EA KỌLÀ KPẸ̀A EA AA BÁ COORDINATOR COMMITTEE NÍÍ 2019, VAÁ Ò GBÓÓ AALÁ NA GBÒ BÍBVÍ:

• Mósĩ́ ní e Coordinator Committee ni nveè bá nè buù kà tọ nàà tóm ea dì beeá ló bàlà booí kọ bàá láá nvèè bá nè pá vígà tṍó e búù ló kyọ̀àsĩ́ nu nááá ẽ́?

• Mósĩ́ ní e bõ̀ònatõ̀ò Jìhóvà beè nè tùle vaá nvèè bá nè pá vígà e búù ló kyọ̀àsĩ́ nu nááá ló e bà di Indonesia nè Nigeria ẹ?

• Éé ní ea léémá ni ea kil ló bé e bõ̀ònatõ̀òí lábví láb nyòòmà pọ́lọ́ kom ea kọlà COVID-19 naa ẽ́?