Gbò E Bà Gé Bugi

Mm̀ Kpá Tọ Kùdẽe Lóí, è íè vòò kà togó bel ge nò:

• Túá kà togó bel ge nò, é ló bel boo bé e Jìhóvà vulè gbò nen naa, nè nú ea ni náa kọbé è láá bé èlbá pọ́lọ́ vaá fã̀e.

• Ní ea égè bàà kà togó bel ge nò, é ló bel boo nú e nen é náa kọbé à ọ́gá ló a pọ́lọ́, nè bé e Jìhóvà beè nvèè bá nè gbò nen kọ bàá ọgá ló ba pọ́lọ́ naa.

• Ní ea égè taa kà togó bel ge nò, é ló bel boo bé e Jìhóvà beè gbĩ́ kọọ̀ bõ̀ònatõ̀ò ea beè di Kọ́rìnt á sẹlẹ ene kà gbálà ea beè sí kà agẹ bá pọ́lọ́ vaá náa ọ́gá naa.

• Ní ea égè ténì kà togó bel ge nò, é ló bel boo bé e gbò kànen mm̀ bõ̀ònatõ̀ò é láá nvèè bá nè nen ea sí agẹbá pọ́lọ́ naa.

• Ní ea égè vòò kà togó bel ge nò, é ló bel boo bé e dénè gbò e bà di mm̀ bõ̀ònatõ̀ò é láá zogè kọ bà vulèè vaá ié sàn nyíe ló nen e ba beè kpòòlà lọl mm̀ bõ̀ònatõ̀ò naa.