Gã́bug bẹẹ gbò kpá íe fòtó ea ólò palàge noomài nú ea dú bíi. Mósĩ́ deè ní eo é láá nó nu lọl ló gbò fòtóí e?

• Besĩ́ ò kálá bugi ene kà togó bel, ẹ̀b fòtó ea di mm̀ kpáá. Gbò fòtó eo monì mm̀ kpáá é náa kọọ̀ ge bugi zivekà togó belá á tàn ni. Dì belí bé e tṍó eo monì gyã́á ea kpé dẽe à ólò tàn ni gè dè naaá, níà bé e fòtó ólò naa kọ à tanii gè bugi togó bel ea di mm̀ bẹẹ gbò kpá naa ẽ́. Vóà naa bĩiná o bá kọọ̀, ‘Mókà fòtó ní em monì ẽ?’​—Émòs 7:​7, 8.

• Tṍó eo gé bugi ene kà togó bel, bugi togó boo nú ea náa vaá bà tã́ fòtó mm̀ kpáá. Bugi gbò émì nú ea nyoone fòtóá be à di ló. Bugi togó boo bé e fòtóá gbáá ló togó belá naa nè bé eo é láá tú siimá tóm mm̀ o dùm naa.

• Tṍó eo ni bugi togó belá lọ̀l, ò gbóó kpáá ẹ̀b fòtóá kọbé ò láá kẽ̀èa boo gbò nú eo ni nó lọl mm̀ togó belá. Tṍóá ò gbóó bii dẽé ni vaá ò piigà ge kẽ̀èa boo fòtóá nè gbò nú eo nóò lọl ló.

• Kpáá ẹ̀b gbò fòtó ea di mm̀ kpáá vaá ò ẹb be òé láá kẽ̀èa boo gbò nú eo nóò lọl ló.