16 NU GÈ NÒ
O Bel Á Siè Kpóó Ló Nen Vaá À Dọ Bélè Nè Nen
Jóòb 16:5
GE KỌ́ MM̀ ŃKPULU BÁ: Ló bel boo gbò nú ea é láá nvèè bá, nè gbò nú ea é láá siè kpóó ló gbò e bà gé pãane tṍ, tãa vó eo bọọgẹ̀ ló bel boo tã̀àgã̀ ea di kẽ.
BÉ EO É NÁA NAA:
-
Tú kà lé bá ẹ̀bmà gbò e bà gé pãané ni tṍ ló. Dẹlẹ nyíé boo kọọ̀ gbò eo gé gbái nei fã̀ Jìhóvàí gbĩ́ gè naa nú ea léémá Jìhóvà. Kabèè tṍó ea é bĩ́íná kọ ó lele dee bá nen, zẹ́ẹ́ lèèlàẹ boo kiẽ́e ea láá naa leevè.
-
Ó gá bọ̀ọ̀gẹ̀ ló bel boo gbò gá e náa dọ bélè. Ló bel boo pọ́lọ́ kpẹ̀a àbèè nu áá tṍó ea bọ́ló gè naa vó. Zivèkà o lòbèl á dẹ̀ẹ̀a boo gbò nú ea é síè kpóó ló gbò nen.
-
Tú Kpá Káí siimá tóm boo lé bá. Kolí bùlà gbò nen nyòòmà gbò nú e Jìhóvà ni náa, gbò nú ea gé náa, nè gbò nú ea é beè naa nè gbò nen. Lóe mm̀ sĩ́deè e gbò e bà gé pãané ni tṍ ló é íe ból dẽe sĩ́ nè sìà kpóó ló.
