Ge Tení Ló 2 Kpò Tẹlẹ Bàlà Kẽ
Éé ní ea beè naa kọ Jìhóvà á tú múú kyọ̀ọ̀mà sĩ́ bàlà booí tṍóá ẽ́? À íe béa ea beè bã kẽ lọl dààmà togó dùm gbò nen—níà ge naa lé nè pọ́lọ́. Sìgà gbò, dì belí Ádàm, Íìv, nè ba nvín ea kọlà Kéìn beè sà ge sí pọ́lọ́. Boo tṍó e pọ́ì ńkem̀ gbò, dì belí Ébẹ̀l nè Nóà beè sà ge naa nú ea dú lé. Gã́bug nen beè ié pọ́lọ́ dùm naa ní e Jìhóvà beè kyọsĩ́ pọ́lọ́ bàlà booá. Na kpòí é nveè bá kọ é nyimá kọọ̀ Jìhóvà nyímá ní ea di gbàà e saà ge naa, vaá náa é zigà kọọ̀ pọ́lọ́ á bé èlbá lé.
GBÒ TOGÓ BEL EA DI MM̀ NA KPÒÍ
3 NU GE NÒ
Ádàm Nè Íìv Beè Lọ̀l Togó Kèbá Bàrì
Éé ní ea beè naa kọọ̀ ene kà té ea di mm̀ gònò Ídèn á dú kele é? Éé ní ea beè naa kọọ̀ Íìv á dé ból ea dú bè téá ẹ́?
4 NU GE NÒ
Súng Beè Naa Kọ Á Fẹ́ Nen
Bàrì beè tú vààla gyọ́ọ̀ Ébẹ̀l, sõò náa beè tú níí Kéìn. Tṍó e Kéìn nyímá naa vó, a beè bã̀ súng naa ní ea síímá pọ́lọ́.
5 NU GE NÒ
Faà Nóà
Nvín gbò nyómá tóm e ba beè dú boo kunukẽ̀í gé ilí vaá beè bọgí gbálà vaá dú gbò bàg. Dùm zààlì kẽ beè m-má kọ̀láá ketõ̀ò. Sõò Nóà beè dú kele àà vá gbàà—a beè vùlè Bàrì vaá gbànie tṍ ló.
6 NU GE NÒ
Aatáà Nen Beè Fùl Zelí Bá Tù Múúá
Tù múúá beè naa kọọ̀ boo á dọọ 40 bílá zìlà dee. Gã́bug dee e Nóà nè pá a tọ beè tõ̀òma mm̀ faàa beè sigá ló enè gbáá. Dee deè nvée, ba beè gbóó láá aa m dọ kẽ.
