Ge Tení Ló 10 Kpò Tẹlẹ Bàlà Kẽ
Jìhóvà ní ea dú Méné boo kọ̀láá nené. A beè lẹ̀ẹ̀là bel ló dénè nu lọl dààmà togó, vaá àé kilsĩ́ gè lẹ̀ẹ̀là bel ló dọ̀ọ̀mà dè-dè. Dì belí nu dòòmà bá, a beè dùùlà Jèrèmáíà lọl mm̀ bànà múú e ba beè túe tẹlẹ̀ kọbé à ú. A beè dùùlà Shédràk Méshàk nè Àbẹ́dnigò lọl dáà sã́ vaá dùùlà Dániẹ̀l lọl dáà gbò kpẹẹ̀. Jìhóvà beè kpènà Ẹ́stà kọbé à láá dùùlà zivèkà a dó. Náa é sọtọ́ deè kọọ̀ pọ́lọ́ lab dògò á dì lee. Gbò kọ́ọ̀ bùlà Bàrì ea kil ló pọ̀bkà ńneǹ té nè pọ̀b gàlà téá tẹ́lẹ bàlà kẽ kọọ̀ pọ́ì ńkem̀ tṍó, Boǹ Méné Jìhóvà é lọl pọ́lọ́ lab dògò vaá bẹl boo kunukẽ̀í dọ̀ọ̀mà dè-dè.
GBÒ TOGÓ BEL EA DI MM̀ NA KPÒÍ
57 NU GÈ NÒ
Jìhóvà Lẹẹlà Jèrèmáíà Kọ Á Gé Kọ́ Kpẹ̀a
Nú e Jèrèmáíà kọ́ náa kọọ̀ nyíè gbò kànen á palàge bììlàẹ́ ló.
58 NU GÈ NÒ
Bà Kyọsĩ́ Jèrúselẹ̀m
Pá Júdà béè kilsĩ́ gè fã̀ kyáá ńbàlì, vó beè naa kọ Jìhóvà á sã̀ànà va bá ló gbẹẹ́ kẽ.
59 NU GÈ NÒ
Dániẹ̀l, Hànànáíà, Míshẹ̀l, nè Àzàráíà náa zigà ge dé gyã́á e ménéá ólò dè
Gbò nvín ãa e bà aa Jùdíà beè beeláfùl ge bọ́ló dẹ̀lẹ̀ nyíé boo ńè Jìhóvà, bã̀àna gbẹá mm̀ tọọ̀ Nèbúkádnezà ea dú méné Bábilọ̀n.
60 NU GÈ NÒ
Boǹ Méné Ea É Di Dọ̀ọ̀mà Dè-dè
Dániẹ̀l baatẽ́ nú e kele íb gyáálá e Nèbúkádnezà beè mòàa tõó dọ̀.
61 NU GÈ NÒ
Bà Náa Beè Kumí Sĩ́ Kẽ
Shédràk, Míshàk nè Àbẹ́dnigò e bà náa zigà ge kumí sĩ́ kẽ nè ńneǹ té e ba beè tú nóò kpé dèmà.
62 NU GÈ NÒ
Boǹ Méné Ea Bélí Gbele Pọ̀b Gàlà Té
Gyáálá Nèbúkádnezà géè ló nú ea kil ló a dì deèsĩ́.
63 NU GÈ NÒ
Nú E Ba Beè Emí Gbàà Kú Tọ
Mó tṍó ní e émì nu ea dú dũ̀ùnèa beè sìlàẹ, vaá éé ní ea tõó dọ̀ ẹ?
65 NU GÈ NÒ
Ẹ́stà Duulà Pá A Gbò
Náa kal ló béè kọọ̀ Ẹ́stà beè dú dõona kà dó vaá du nágé vaà tãa, sõò tṍó e tṍó tèní, a beè dú vaà méné.
66 NU GÈ NÒ
Ẹ́zrà Nóòmà Log Bàrì
Tṍó e pá Ízrẹẹ̀l pãanetṍ ló Ézrà lọ̀l, ba beè gbóó zìgà kele íb zìgànù nè Bàrì.
67 NU GÈ NÒ
Gbò Gbọọ̀ Jèrúselẹ̀m
Nìhèmáíà beè dã́ kọọ̀ pá a gbò ọ́b gbĩ́ gè naa uué boo. Éé beè naa kọọ̀ pọ̀ á gá siíe é?
