A KAKOAUAA TABEMAN bwa ti teimatoa ni maiu n te rabwata teuana ao tabemwaang a iangoia bwa te mate bon tokini bwaai ni kabane. Tera ngkoe ae ko kakoauaa?

AE TAEKINAKI N TE BAIBARA

“A bon aki ata te bwai teuana akana mate.” (Te Minita 9:5, BG) Ngkana ti mate ao a bon roko n tokina maiura.

REIREIARA RIKI MAN TE BAIBARA

• E okira te tano te moan aomata ae Atam ngke e mate. (Karikani Bwaai 2:7; 3:19, BG) N aron naba anne, a bane aomata aika mate n okira te tano.​—Te Minita 3:19, 20.

• Aomata aika mate a a boni kabwakaa iai boon aia bure ke a a kabwaraaki aia bure. (I-Rom 6:7) Akea riki te tuuaa ibukin te bure imwini mateia.

TERA AM KAEKA?

• Eng

• A aki

• Tao

AE TAEKINAKI N TE BAIBARA

“A na boni mangauti.”​—Mwakuri 24:15.

TERA RIKI REIREIARA MAN TE BAIBARA?

• E kakabotauaki n te Baibara te mate ma te matu. (Ioane 11:11-14) E kona te Atua ni kautiia maate n aron ae ti kona ni kauta ae matu.​—Iobi 14:13-15.

• Iai rongorongoni kautiuti tabeua n te Baibara, ngaia are ti a kakoauaa raoi iai bwa a na boni kautaki maate.​—1 Uea 17:17-24; Ruka 7:11-17; Ioane 11:39-44.