A KAKOAUAA TABEMAN AOMATA bwa e mena ana Tautaeka n Uea te Atua i nanon te aomata. A iangoia tabeman riki bwa boni mwin aia kakorakora aomata ni karekea te rau ao te botaki n itaritari n te aonnaba. Tera ngkoe am iango?

AE TAEKINAKI N TE BAIBARA

“E na katea te tautaeka n uea teuana Atuani karawa ae e na bon aki kamaunaaki. . . . E na urui tautaeka n [aomata] aikai ni kabane ma ni kamaunai.” (Taniera 2:44) Bon te tautaeka ni koaua ana Tautaeka n Uea te Atua.

REIREIARA RIKI MAN TE BAIBARA

• E kairiri ana Tautaeka n Uea te Atua mai karawa.​—Mataio 10:7; Ruka 10:9.

• E kabongana te Tautaeka n Uea te Atua ni kakororaoa iai nanona i karawa ao n te aonnaba.​—Mataio 6:10.

TERA AM KAEKA?

• Akea ae e ataia

• E na waekoa n roko

• E na aki roko

AE TAEKINAKI N TE BAIBARA

“E na tataekinaki te rongorongo ae raoiroi aei ae taekan te Tautaeka n Uea, n te aonnaba ni kabutaa bwa te bwai ni kaotioti nakoia botannaomata ni kabane, ao ngkanne e a roko naba te toki.” (Mataio 24:14) Ngkana e a buta te aonnaba n tataekinaki iai te rongorongo ae raoiroi, ao e a roko naba te Tautaeka n Uea ni karokoa n tokina te waaki ae buakaka ae ngkai.

REIREIARA RIKI MAN TE BAIBARA

• Akea temanna n te aonnaba aei ae e ataa raoi rokon ana Tautaeka n Uea te Atua.​—Mataio 24:36.

• E kaotaki n te taetae ni burabeti n te Baibara bwa e na waekoa n roko te Tautaeka n Uea.​—Mataio 24:3, 7, 12.