N aron ae ko bae n ataia, e boto te taeka n reirei ae mena n te maekatin aei i aon te Baibara. Iai n te Baibara te kairiri ae te kabanea n raoiroi ibukini kanakoraoani maiuia kaain te utu n tatabemania nako. A kona booto n reirei ake iai ni karekea nakon te aomata te konabwai n iaiango raoi ao ni kanakoraoa ana motinnano.​—Taeka N Rabakau 1:​1-4.

IAI NABA N TE BAIBARA KAEKAAN TITIRAKI AIKA KAKAWAKI IBUKIN TE MAIU, N ARON:

• Tera manenan te maiu aei?

• E riai ni bukinaki te Atua ibukin rawawatara?

• Tera ae riki nakoira ngkana ti mate?

Ti kaoko bwa ko na nenera te Baibara ni kakaaei kaekaan titiraki aikai ao aika bati riki. Mataku n te taamnei ae E Aera Ngkai E Raoiroi te Reirei n te Baibara? Nakon jw.org.