UKERA KABEBETEAM MAN TE TABEAIANGA
Ko Tabeaianga?
“A tabeaianga aomata nako, ma e a rangi ni korakora riki tabeaiangau. Tiaki tii ibukin te kangaanga ae bubura teuana ma ibukin naba baika riki aika bati, baika I kabokorakora iai, ao ibukin tabeakinani marurungin rabwatan ao ana iango buu ae rotaki iai n ririki aika bati.”—Jill. *
“E kitanai buu ao I a kaikawaiia natiu aika uoman n tii ngai. E aki bebete te riki bwa te karo ae tii temanna n te utu. Ao riki, I a aki mwakuri ni kareketianti ao I a aki kona ni kabooa onobwaian au kaa. I a aki ataa te bwai ae N na karaoia. E a taonainako te tabeaianga. I ataia ae e kairua ngkana I bakabureai, ngaia are I a butiia te Atua bwa e na anaa maiuu.”—Barry.
N aroia Jill ao Barry, ko nanamakinna naba n tabetai bwa ko taonakinako n te tabeaianga? Ngkana eng, ko bia kabebeteaki ao ni buokaki ni kaongora aika imwina aikai. A neneraki iai baika a kakarika te tabeaianga, aron te tabeaianga ni kona n rotiira, ao arora ni karekea kabebeteara man te tabeaianga.
^ bar. 3 A a tia ni bitaki aara.
Ko Bae Naba n Tangira
TE TAUA-N-TANTANI
E a Taabangaki te Raraoma!
E noraki n taiani kakaae bwa e kona naba ni karekea te moantaai ni mate te raraoma teutana. Ko na kangaa n tokanikai iai?
