Taiani bobotaki n te ekaretia bon iteran naba te taromauri ae itiaki ae kakawaki. (TA 22:22) A kukurei ao ni kakabwaiaaki aomata ni kabane ake a botaki n taromauria Iehova. (TA 65:4) N angiin te tai ao e korakora riki rikirakeia n te onimaki naake a reirei n te Baibara ngkana a katoatai ni kakaaei botaki n taromauri.

Ko na kangaa ni buokiia am reirei bwa ana kakaaei botaki n taromauri? Teimatoa ni kaoia. Kaota nakoia te taamnei ae Tera Ae Riki n Ara Tabo n Taromauri? Kabwarabwarai kakabwaia mani bobotaki n taromauri. (lff reirei 10) Ko kona n tibwaa nakoia te boto n iango teuana ae ko reiakinna n te taromauri ke n rinanoi baika a na maroroakinaki n te botaki are imwina. Angania am reirei booki aika a na kamanenaaki. Katauraoa naba te ibuobuoki ae manena. Tao a kainnanoa te ibuobuoki ibukini kaean te taromauri. A na materaoi am kakorakora ake ko karaoi ngkana e a kaea te taromauri am reirei.​—1Ko 14:​24, 25.

MATAKU N TE TAAMNEI AE BUOKIIA AM AOMATA BWA A NA KAAKAEI BOTAKI N TAROMAURI, AO KAEKAI TITIRAKI AIKAI:

• Tera te anga ae kabongana Neeta ni kaoa iai Jade nakon te taromauri?

• E aera bwa ti kukurei ngkana e kaea te taromauri ara reirei n te Baibara?

• Tera ae riki nakon Jade ngke e moani kaea te taromauri?