Imwain raoi te Toa ae te Riao n 32 C.E., e karaoa te kakai teuana Iesu, ae a bane ni korea taekana taani korei Euangkerio ake aman.

Rinanon te kakai aei, e a katea Iesu te banna ni katoto ae e teimatoa ni kakairi iai n ara bong aikai.

14:16-21

• E tua Iesu nakoia taan rimwina bwa a na kaamwarakeia aomata aika uanao, e ngae ngke tii nimaua te kariki irouia ao uoman te ika

• E anai Iesu taiani kariki ao iika ao ngke e tia n tataro, e tibwatibwaia nakoia taan rimwina ao taan rimwina a a manga tibwatibwaia nakoia aomata

• E kamimi bwa a ngae aomata ni kabane. E kaamwarakeia Iesu nga ma nga rinanoia taan rimwina aika karako mwaitiia

• E a kaman taekinna Iesu bwa ni kabaneani boong, e na rinea te kawai ibukini katauraoan te amwarake n taamnei “n te tai ae riai.”—Mt 24:45

• N 1919, e mwiokoaki iroun Iesu “te toro ae kakaonimaki ma ni wanawana,” ae te koraki ae karako mwaitiia aika kabiraki, i aoia “ana tabonibai” ae te koraki ae kakaamwarakeaki

• Rinanoia te koraki ae karako mwaitiia aei aika kabiraki, e a kakairi Iesu n te banna ni katoto are e kateia n te moan tienture

N na kangaa ni kaotia bwa I ataa ao ni karinea te kawai are e kabongana Iesu ni kaamwarakeia iai aomata n te aro n taamnei?