Ti kaitauko ngkai e reke am tai n nenera te boroutia aei bwa ko aonga ni kinaira raoi ngaira aika Ana Tia Kakoaua Iehova, n neneri ara mwakuri, ao n tirotiroa mwamwakurin ara botaki. Ara kantaninga bwa ko buokaki n te boroutia aei ni kinaira bwa boni ngaira aika ti kakaraoa nanon Iehova ni boong aikai. Ti kaungako bwa ko na teimatoa ni karekea te atatai ibukin te Atua, ko na kaongoia am utu ni kabane ao raoraom taekan ae ko reiakinna, ao ko na katoatai ni bobotaki ma ngaira n ara tai bobotaki ni Kristian.—I-Ebera 10:23-25.

Ko na kunea bwa ngkana ko kabatiaa am tai n reiakina taekan Iehova, e na bati riki am tai n ataa ae e bon rangi n tangiriko Iehova. E na kaungaaki nanom bwa ko na karaoa am kabanea ni kona ni kabooa mwin tangiram irouna. (1 Ioane 4:8-10, 19) Ma ko na kangaa ni kaotiota am tangira ibukin te Atua n aroaroni maium? E aera ngkai boni kabwaiam ongeabam n ana kaetieti ni kaineti ma te aroaro ni maiu ae riai? Ao tera ae e na buokiko ni kakaraoa nanon te Atua ma ngaira? E tauraoi ane e kaira am reirei n te Baibara n ukeri kaekaan titiraki aikai ma ngkoe, n te aro are ko kona ma kaain am utu “ni kawakiningkami n te aro ae kam na teimatoa n tangiraki iai iroun te Atua . . . are kairira nakon te maiu are aki toki.”—Iuta 21.

Ti kaungako bwa ko na kateimatoa rikirakem n te koaua n reiakina te boki aei imwina ae “Kawakiningkami n te Aro ae Kam na Teimatoa n Tangiraki Iai Iroun te Atua”