Areru 84:1-12
Ibukin te mataniwi n te anene, i aon te Kitite.* Aia areru natini Kora+ aika mwaane.
84 Ai raoiroira* am umwanrianna ae tabu* ae kakannato,+Ngkoe ae Iehova ae Atuaia taanga ni buaka!*
2 I* a ingainga,Eng, I a kan tong ibukin tangiranAna katawanang Iehova.+
E takarua ni kimwareirei nanou ma irikou nakon te Atua ae maiu.
3 E kunea naba mwengana te mannikiba ikekei,Ao e katea ngaona iai te tuwaaro,Ike e a kaikawaiia iai bunna,I rarikin am baonikarea ae kakannato, ngkoe ae Iehova ae Atuaia taanga ni buaka,Ae au Uea ao Atuau!
4 A a kukurei akana maeka n am auti!+
A teimatoa ni karaoiroiko.+ (Tiera)
5 A a kukurei mwaane ake a karekea korakoraia iroum,+Ake a ingainga nanoia ni kani mena ni kawain am auti.
6 Ngke a rinanon te Mwarua ae Baka,*Ao a karaoia bwa nnen taiani koburake n ran,Ao te moani karau e kunnikaia* n te kakabwaia.
7 A na nakonako ma korakoraia ae ririkirake,+A kaoti n tatabemania nako, i matan te Atua i Tion.
8 Iehova ae Atuaia taanga ni buaka, ongo au tataro,Kakauongo, ngkoe ae Atuan Iakoba. (Tiera)
9 Noria, ara otanga+ ao Atuara,*Taraa ubun teuare am kabiraki.+
10 Bwa e raoiroi riki tebongina i nanon am katawanang nakon tenga n te tabo teuana!+
I rinea ae N na tei ni mataroan ana auti AtuauNakon ae N na mamaeka n aia umwanrianna akana buakaka.
11 Bwa Iehova ae te Atua bon taai+ ao te otanga,+E anganga te akoi ao te karineaki.
E na aki taua te bwai teuana ae raoiroi IehovaMairouia te koraki aika nakonako ma etin aroia.+
12 Ngkoe ae Iehova ae Atuaia taanga ni buaka,E a kukurei te aomata ae onimakiniko.+
Taiani Kabwarabwara Mai Nano
^ Nora Nanon Taeka.
^ Ke, “korakorara tangiran.”
^ Nora Nanon Taeka.
^ Ke, “Tabaota.” Nora Nanon Taeka.
^ Ebera, ne’phesh, nora Nanon Taeka.
^ Ke, “mwaruan aroka aika taiani baka.”
^ Ke tao, “Ao te tia reirei e niniria i bon irouna.”
^ Ke tao, “Nora ara otanga, ngkoe ae te Atua.”
